ኣፈ ጉባኤ ኣገኘሁ ተሻገር ሃገራዊ ለውጢ ንኢትዮጵያ ካብ ሓደጋ ምብትታን ዘድሐነ ምዃኑ ገሊፆም

ኣባላትን ኣመራሓታትን ቤት ምኽሪ ባይቶ ወከልቲ ህዝቢን ቤት ምኽሪ ፌዴሬሽንን÷‘ትማሊ፣ ሎሚን ፅባሕን ንልዕልና ኢትዮጵያ!’ ብዝብል መሪሕ ሓሳብ 7ይ ዓመት ሃገራዊ ለውጢ ምኽንያት ብምግባር ዘተ ፓናል ኣካይዶም፡፡

ኣፈ-ጉባኤ ኣገኘሁ ተሻገር ኣብቲ እዋን÷ ኣብ ኢትዮጵያ 24 መጋቢት ዝተጀመረ ለውጢ ብዓይነቱ ፍሉይን ዕዉትን ምንባሩ ኣዘኻኪሮም።

ህዝባዊ ለውጢ፣ሕገ መንግስታዊን ትካላዊን ንክኾን ቀዳማይ ሚኒስትር ኣብይ ኣሕመድ (ዶ/ር) ፍኖተ-ካርታ ለውጢ ብምድላው ንዕውትነት እቲ ለውጢ ዝነበሮም ግደ ብታሪኽ ዝነኣድ ምዃኑ ገሊፆም።

ሃገራዊ ለውጢ ንኢትዮጵያን ህዝባን ብዙሕ ዓወታት ምምፅኡ ብምሕባር÷ ኢትዮጵያ ካብ ሓደጋ ምብትታን ዘድሐነ ምዃኑ ተዛሪቦም፡፡

በቲ ለውጢ ኣብ ቁጠባዊ፣ ማሕበራዊ፣ ፖለቲካዊን ዲፕሎማስያዊን ዓውድታት ዝተረኸበ ውፅኢት ኢትዮጵያ ክብ ንኽትብል ዘኽአለ ምዃኑ ኣረዲኦም፡፡

እቲ ለውጢ ዝተሓሰበ ሽቶ ንምዕዋት ህዝቢ ደገፉ ኣጠናኺሩ ንኽቕፅል ፃውዒት ምቕራቦም ኣብ ቤት ምኽሪ ዝተረኸበ ሓበሬታ የረድእ፡፡