እንግሊዝ ሰብ ሃፍታ ኣብ ኢትዮጵያ ምስ ዝርከቡ ኣፍረይቲ ዓለባ ንምትእስሳር ፃዕሪ እናገበረት ምዃና ኣፍሊጣ

ኣዲስ ኣበባ፣ 12 ለካቲት፣ 2017 (ኤፍ ኤም ሲ)ሰብ ሃፍቲ እንግሊዝ ኣብ ኢትዮጵያ ምስ ዝርከቡ ኣፍረይቲ ዓለባ ንምትእስሳር ፃዕሪ እናገበረ ምዃኑ ምክትል ቀዳማይ ሚኒስትር ኣንጌላ ሬይነር ገሊፀን፡፡

እተን ምክትል ቀዳማይ ሚኒስትር ምስ ዋና ፈፃሚ ስራሕ ኮርፖሬሽን ልምዓተ ፓርክታት ኢንዱስትሪ ፍሰሃ ይታገሱ (ዶ/ር) ኣብ ፍሉይ ዞባ ኢኮኖሚ ሃዋሳ ብምርኻብ ተዛቲየን፡፡

ኣብ ዘተኦም ድማ እቶም ዋና ፈፃሚ ስራሕ፥ እቲ ኮርፖሬሽን ዘመሓድሮም ፍሉያት ዞባታት ኢኮኖሚ ንሓለዋ ከባቢ ልዑል ትኹረት ሂቦም እናሰርሑ ከምዝኾኑ ኣብሪሀን፡፡

ኣብ ሕድሕድ ዞባታት ኢኮኖሚ ንብኽለት ከባቢ ምኽንያት ዝኾኑ ናይ ፋብሪካ ፈሰስቲ ዘፃርዩ መፃረዪ ፈሳሲ ተሃኒፆም ኣገልግሎት እናሃቡ ከምዝኾኑ ኣብሪሆም፡፡

ምክትል ቀዳማይ ሚኒስትር እንግሊዝ ኣንጌላ ሬይነር ምክትል ብግደአን÷ መሃያ ሰራሕተኛታት እስያ ካብ እዋን ናብ እዋን እናወሰኸ ብምምፅኡ ዕዳጋ ኣፍረይቲ ዓለባን ጨርቀመርቂን ቀዳማይ መረፀኦም እናገበሩ ከምዝኾኑ ገሊፀን፡፡

እዚ ኩነታት ንኣፍረይቲ ዓለባን ጨርቀመርቂን ኢትዮጵያ ፅቡቕ ኣጋጣሚ ፈጢሩ ኢዩ ዝበላ እተን ምክትል ቀዳማይ ሚኒስት÷ ሰብ ሃፍቲ እንግሊዝ ኣብ ኢትዮጵያ ምስ ዝርከቡ ኣፍረይቲ ዓለባ ንምትእስሳር ፃዕሪ እናገበረ ምዃኑ ኣብሪሀን፡፡