ኩባንያ ቶዮ ሶላር ኣብ ኢትዮጵያ ዘለዎ ኢንቨስትመንት ናብ 110 ሚሊየን ዶላር ምብፅሑ ተገሊፁ

ኣዲስ ኣበባ፣ 22 መጋቢት፣ 2017 (ኤፍ ኤም ሲ) ኣብ ሃዋሳ ፍሉይ ዞባ ኢኮኖሚ ውሽጢ ዝርከብ ኩባንያ ሶላር ቶዮ ኣብ ኢትዮጵያ ዘለዎ ሓፈሻዊ ኢንቨስትመንት ናብ 110 ሚሊየን ዶላር ኣሜሪካ ምብፅሑ ተገሊፁ።

እቲ ኩባንያ ኣብ ውሽጢ ፍሉይ ዞባ ኢኮኖሚ ብ60 ሚልየን ዶላር ዝተሃንፀ ፋብሪካ ፈላማይ ምዕራፍ ዛዚሙ ስርሕ ንምጅማር ዘተ ኣብ ዘካየደሉ እዋን ተገሊፁ፡፡

እቲ ኩባንያ ምስፍሕፋሑ ስዒቡ ኣብ ኢትዮጵያ ዘካየዶ ሓፈሻዊ ኢንቨስትመንት 110 ሚሊየን ዶላር ኣሜሪካ ከምዝበፅሐ ተሓቢሩ።

ዋና ፈፃሚ ስራሕ እቲ ኩባንያ ጁንሴይ ሪዩ ÷ እቲ ኩባንያ ንፍርያታት ሶላር ሴል ዝረኸቦ ዓለምለኻዊ ድልየትን ትእዛዝን ብተወሳኺ ምስፍሕፋሕ ከምዝገብር ገሊፆም፡፡

ኣብ 28 ሺሕ ስኩዌር ካሬ ሜትር ዘግበር ናይ ምስፍሕፋሕ ስራሕ በስሉጥ እናዓበየ ንዘሎ ማእኸል ኢንዱስትሪ ተሓዳሲ ሓይሊ ኢትዮጵያ ዘሕግዝ እንትኸውን፥ ህንፀቱ ኣብ ወርሒ ሓምለ ብምዝዛም ከይዲ ፍሪያቱ ክሳብ ነሓሰ ክጅምር ኢዩ ተባሂሉ።