ካብ መሸጣ ካርቦን 70 ሚሊየን ዶላር ንምርካብ ዘኽእል ስምምዕነት ተገይሩ
ኣዲስ ኣበባ፣ 26 መጋቢት፣ 2017 (ኤፍ ኤም ሲ) ኢትዮጵያ ካብ ካርበን መሽጣ 70 ሚሊየን ዶላር ንምርካብ ዘኽእል መረዳድኢ ስምምዕነት ምስ ዝተፈላለያ ሃገራትን ዓለም ለኸ ትካላትን ምክያዳ ልምዓት ደኒ ኢትዮጵያ ኣፍሊጡ።
ዋና ዳይሬክተር ልምዓት ደኒ ኢትዮጵያ ከበደ ይማም ንፋና ሚዲያ ኮርፖሬሽን ከምዝበልዎ÷ ኣብ ስትራቴጂ ሓምለዋይ ልምዓት ብዝተኻየደ ወፍሪ ኣብቲ ዓውዲ ዝመፅአ ለውጢ መሸጣ ካርቦን ግዲኡ ኣበርኪቱ፡፡
ባንኪ ዓለም ሓዊሱ ምስ ዝተፈላለያ ሃገራትን ዓለም ለኸ ትካላትን 70 ሚሊየን ዶላር መሸጣ ካርበን መረዳድኢ ሰምምዕነት ምግባሩ ኣፍሊጦም፡፡
ብፍላይ ሚኒስቴር ገንዘብ ምስ መንግስቲ ኖሮዌይ ኣብ 2026 ዓ.ም.ፈ ዝውዳእ ስምምዕነት ምክያዱ ኣረዲኦም፡፡
ኣብ ዝሓለፉ ናይ ለውጢ ዓመታት ኣብ ልምዓት ዝተሰርሑ ስራሕቲ ሽፋን ደኒ ኢትዮጵያ ናብ 23 ነጥቢ 6 ሚኢታዊ ምዕባዩ ኣይተ ከበደ ይማም ገሊፆም፡፡
ብፀጋዬ ንጉሰ