ኬንያ ንጉጅለ ሸኔ እናፅረየት ከምትርከብ ተገሊፁ

ኣዲስ ኣበባ፣ 19 ለካቲት፣ 2017 (ኤፍ ኤም ሲ)ብሄራዊ ኣገልግሎት ኬንያ ፖሊስ ኣብ ግዝኣታ ዝዓስከረ ጉጅለ ግብረ ራዕዲ ሸኔ ናይ ምፅራግ ስራሕ እናወገነት ከምዝኸነት ገሊፁ።

‘ኦንዶኣ ጃንጊሊ’ ዝብል ስያመ ዝተውሃቦ እዚ ልኡኽቶ ኣብ ግዝኣታት ማርሳቤትን ኢሲዮሎን ዝርከቡ፣ ኣብ ልዕሊ ብሄራዊ ድሕንነት ኬንያ ልዑል ስግኣት ዝፈጥሩ ዘይሕጋዊ ተግባራት ዝፍፅሙ ገበነኛታት ትኹረት ዝገበረ ኢዩ ተባሂሉ።

ኣብ ኬንያ እናተንቀሳቐሰ ዝርከብ እቲ ጉጅለ ዕጡቕ ኣብ ዶባ ከባቢታት ኢትዮጵያን ኬንያን እናካየዶም ዝርከቡ ዘይሕጋዊ ተግባራት ንምክልኻል ኣካላት ፀፅታ ስጉምቲ እናወሰዱ ከምዝኾኑ ተገሊፁ።

በዚ ድማ ቁፀፅር መዕወኒ ሓሽሽን ዝውውር ኣፅዋርን ዩኒት ብምጥያሽ ስጉምቲ እናተወሰደ ከምዝኾነ እውን ብሄራዊ ፖሊስ ኬንያ ኣፍሊጡ።

ክሳብ ሕዚ ድማ እቲ ጉጅለ ዝጥቀመሎም ዝተፈላለዩ ዶክመንታት፣ መሳርሒታትን ዝተፈላለዩ ናይ ውሽጢ ሃገርን ወፃኢን ገንዘባት ንምስራሕ ዝውዕሉ ናውቲታት ተረኺቦም።

ካብዚ ብተወሳኺ መራሕቲ ሰራዊት ዝጥቀሙለን ኢየን ዝተብሃላ መኻይን፣ ሞተር ሳይክላት፣ ኣቑሑት ኮንትሮባንድን ብዙሓት ገንዘባትን ከምዝተትሓዙ ተሓቢሩ።

ኣብ ቀፃሊ እውን መንግስቲ ኬንያ ኣብቲ ዞባ ዘላቒ ምርግጋእ ንምዕሳል መሊስካ ኣብ ምጥያሽን ናይ ነዊሕ እዋን ስትራቴጂን ፀፅታ ኣብ ምዕሳልን ከምዘድህብ ምግላፁ ኬቲኤን ኒውስ ኬንያ ፀብፂቡ።

ብሄለን ታደሰ