ዓውዲ ኮሚኒኬሽን ኣብ ህንፀት ብሄራዊ ያታ ዝለዓለ ግደ ክዋፃእ ይግባእ ተባሂሉ

ኣዲስ ኣበባ፣ 29 ለካቲት፣ 2017 (ኤፍ ኤም ሲ)ዓውዲ ኮሚኒኬሽን ዝተሰሓሓተ መረዳእታ ኣብ ምእራም፣ ኣፍረስቲ ኣጀንዳታት ብምምካት ኣብ ህንፀት ብሄራዊ ያታ ዝለዓለ ግደ ክዋፃእ ይግባእ ክብሉ ሚኒስትር ኣገልግሎት ኮሚኒኬሸን መንግስቲ ለገሰ ቱሉ (ዶ/ር) ገሊፆም።

ገምጋም ኣፈፃፅማ መደባት ፍርቂ ዓመት 2017 ዓ.ም “ዕላማ ተኮር፣ ዝተናበበን ዝተዋደደን ስርዓት ንዝለዓለ ምዕባለ” ብዝብል መሪሕ ሓሳብ ይካየድ ኣሎ።

እቶም ሚኒስትር ኣብቲ መድረኽ ኣብ ዝሃብዎ መብርሂ፥ ዓውዲ ኮሚኒኬሽን ነባራዊ ኩነታት ብዘገናዘበ መገዲ ብኣግባቡ ምምራሕ ከምዝግባእ ገሊፆም።

ዓውዲ ኮሚኒኬሽን ዘሎ ፖለቲካዊን ዓለም ለኻዊን ነባራዊ ዓውዲ ብምግንዛብ ብምምራሕ ንውፅኢት ምብቃዕ ከምዝግባእ ምግላፆም ግዜኢ ፀብፂቡ።

ናይ ሃገር ፖሊቲካ፣ ኢኮኖሚ፣ ማሕበራዊን ዲፕሎማሲያዊን ኣካይዳን ብሄራዊ ረብሓ ሃገር ተሓሳቢ ብዝገበረ መገዲ ብምውዳድ ምስራሕ ከምዝግባእ ኣገንዚቦም።