ዝተገበረ ሪፎርም ኢትዮጵያ ቅልጡፍ ዕቤት ኢኮኖሚ ካብ ሞንጎ ዘመዝገባ ሃገራት ንኽትስለፍ ገይሩ ኢዩ – ፍፁም ኣሰፋ (ዶ/ር)

ኣዲስ ኣበባ፣ 16 ታሕሳስ፣ 2017 (ኤፍ ኤም ሲ)ብዝተገበረ ሪፎርም ብዝተወገኑ ኩለመዳይ ስራሕቲ ልምዓት ንኢትዮጵያ ኣብ ዓለም ቅልጡፍ ዕቤት ኢኮኖሚ ካብ ሞንጎ ዘመዝገባ ሃገራት ንኽትስለፍ ከምዝገበረ ኣባ ኮሚቴ ፈፃሚ ስራሕ ፓርቲ ብልፅግናን ሚኒስትር ፕላንን ልምዓትን ፍፁም ኣሰፋ (ዶ/ር) ገሊፀን።

ኣብ ኢትዮጵያ ኣብ ዝሓለፉ ዓመታት ብማእኸላይ 7 ነጥቢ 2 ሚኢታዊ ሃገራዊ ዕቤት ኢኮኖሚ ብምምዝጋብካብ ምምበራቕ ኣፍሪካ ዝዓበየ ቁጠባዊ ሃፍቲ ዝሃነፀት ሃገር ከምዝኾነት እውን ፀሪሐን።

ኣብ ካልኦት ኣመላኸትቲ ዓውዲታት ኢኮኖሚ ዘዕግቡ ውፅኢታት ከምዝተመዝገቡ ብምሕባር÷ ቅድሚ ሕዚ ዝነበሩ ምዝባዓት ማክሮ ኢኮኖሚ ብዘቕነት ንምፍታሕ ፃዕሪ እናተገበረ ከምዝኾነ ኣብሪሀን።

ብፍላይ ኣብ ትግበራ ማክሮ ኢኮኖሚን ሃገር በቆል መመሓየሺ ኢኮኖሚን ብዙሓት ዓወታት ከምዝተመዝገቡ ንግዜኢ ተዛሪበን፡፡

ብፍላይ ኣብ ዓውዲ ሕርሻ፣ መዓድን፣ ማኑፋክቸሪንግ፣ ቱሪዝም፣ ዲጂታል ልምዓትን ካልኦት ዓውዲታትን ልዑል ዕቤትን ዓወትን ከምዝተረኸበ ኣልዒለን፡፡

ኣብ ዓውዲ ንግድዲን ኢንቨስትመንትን እውን ሰብ ሃፍቲ ወፃኢ ሃገራት ዘበረታትዑ ስራሕቲ ተግባራዊ ከምዝተገበሩ ገሊፀን፡፡

ኣብ መዳይ ፖሊሲ ገንዘብ ቅድሚ ሕዚ ዝነበረ ጉድለት ክመልኡ ዘኽኣሉ ዝተፈላለዩ ተግባራት ከምዝተወገኑ ፀሪሐን።

ከስቢ ትካላት ልምዓት መንግስቲ እናዓበየ ከምዝመፅአ ብምሕባር፤ ኢትዮ-ቴሌኮም ጥራሕ ኣብ ዝሓለፈ ዓመት 27 ቢሊየን ብር ታክስ ከምዝኸፈለ ኣብሪሀን፡፡

ኣብ ስራሕቲ ልምዓት መስኖ ብፍላይ ኣብ ልምዓት መስኖ ስርናይ ሓጋይ ኣብ ዝሓለፈ ዓመት ጥራሕ 230 ሚሊየን ኩንታል ስርናይ ፍርያት ከምዝተረኸበ ገሊፀን።

ኣብ ህንፀት መሰረተ ልምዓት ኣብ ዝሓለፉ ሽዱሽተ ዓመታት 27 ሺሕ ኪሎ ሜትሮ ሓዱሽ ስራሕቲ መገዲ ከምዝተወገነ ብምሕባር ኣብ ቀፃሊ እውን ተጠናኺሩ ከምዝቕፅል ኣረጋጊፀን።