ዝኽሪ ሓወልቲ ተጎዳእቲ ሓደጋ ቁፅሪ በረራ ቁጥር ET-302 መገዲ ኣየር ኢትዮጵያ ተመሪቑ

ኣዲስ ኣበባ፣ 1 መጋቢት፣ 2017 (ኤፍ ኤም ሲ)ስነ ስርዓት ምረቓ 6ይ ዓመት ዝኽሪ ሓወልቲ ተጎዳእቲ ሓደጋ ቁፅሪ በረራ ቁጥር ET-302 መገዲ ኣየር ኢትዮጵያ ተኻይዱ።

መገዲ ኣየር ኢትዮጵያ ቁፅሪ በረራ ET-302÷ 1 መጋቢት 2011 ዓ.ም ካብ ኣዲስ ኣበባ ናብ ናይሮቢ ኬንያ ንምብራር ምስተልዓለ ኣብ ውሽጢ ሒደት ደቓይቕ ብምሕምሻሻ ህይወት ተሳፈርቲ ምሕላፉ ይዝከር፡፡

ሎሚ መዓልቲ ድማ ሚኒስትር ትራንስፖርትን ሎጂስቲክስን ኣለሙ ስሜ (ዶ/ር) ሓዊሱ ስድራ ግዳያት፣ ኣምባሳደራት፣ ዝተፈላለዩ ኣጋይሽን ነበርቲ እቲ ከባቢን ኣብ ዝተረኸቡሉ መዘከሪ ሓወልቲ ግዳያት ተመሪቑ፡፡

ኣለሙ ስሜ (ዶ/ር) ኣብቲ እዋን÷ “ዘጋጠመ ሓደጋ ኣውሮፕላን ክርሳዕ ዘይኽእልን ኣብ ልብና ዘሎ ልዑል ሓዘንን ይኁን እምበር ድሕንነት ትራንስፖርት ኣየር ንምርግጋፅ ብቖራፅነት ንኽንሰርሕ ትምህርቲ ዝሃበ ኢዩ” ኢሎም።

ዋና ፈፃሚ ስራሕ መገዲ ኣየር ኢትዮጵያ ኣይተ መስፍን ጣሰው ብግደኦም÷ በቲ ሓደጋ ንዝተጎድኡ ዝተሰመዖም መሪር ሓዘን ብምግላፅ፤ ንስድራን ዘመድ ኣዝማድን ፅንዓት ተመኒዮም።

እቲ ሓደጋ ፈለማ ንድሕንነት ሂብና ክንሰርሕ ከምዘለና ትምህርቲ ዝረኸብናሉ ኢዩ ምባሎም ካብቲ ሚኒስቴር ዝረኸብናዮ ሓበሬታ የረድእ፡፡