ጀርመን ንፃዕሪታት ሚኒስቴር ስራሕን ክእለትን ንምድጋፍ ቆራፅ ከምዝኾነት ተገሊፁ
ኣዲስ ኣበባ፣ 11 ታሕሳስ፣ 2017 (ኤፍ ኤም ሲ)ጀርመን ኩለመዳይ ምዕባለ ንምምፃእ ኣብ ዝግበር ፃዕሪ ንኢትዮጵያ ከምትድግፍ ኣምባሳደር ጀርመን ኣብ ኢትዮጵያ ኣረጋጊፆምለይ ክብላ ሚኒስትር ስራሕን ክእልን ሙፈሪሃት ካሚል ገሊፀን፡፡
እተን ሚኒስትር ምስ ኣምባሳደር ጀርመን ኣብ ኢትዮጵያን ቀዋሚ ተዓዛቢ ሕብረት ኣፍሪካን ጄንስ ሃኔፌልድ ኣብ ስራሕቲ ክልተኣዊ ርክብን ምትሕብባርን ዕዉት ዘተ ከምዝገበራ ኣብ በማሕበራዊ ሚዲያ ገፀን ገሊፀን፡፡
ኣብ ዘተአን ድማ÷ “ኩለመዳይ ምዕባለ ንምርግጋፅ ኣብ ዝግበር ፃዕሪ ኣብ ዓውዲታት ልምዓት ክእለት፣ ፈጠራ ዕድል ስራሕን ሰላማዊ ርክብ ኢንዱስትሪን ዘሎ ግደ ብዝምልከት ዘቲና” ኢለን፡፡
“ዝተመዝገቡ ፅኢታት ውፅኢታውነት ሪፎርም ሃገር በቆል ኢኮኖሚ ዘመላኽቱን ንሰላምን ምርግጋእን ኢሉ እውን ኣብ ዞባዊ ምትእስሳር ዘለዎም ግደ ልዑል ብምዃኑ ጀርመን ኣብቲ ዓውዲ ትገብሮ ሓገዝ ኣጠናኺራ ከምትቕፅል እቶም ኣምባሳደር ኣረጋጊፆምለይ” ክብላ ገሊፀን፡፡