ጂኦ ፖለቲካ ዓለም ኣብ ግምት ዘእተወ ንለውጢ ዝተግህ ኣመራርሓ መንእሰይ ምፍራይ ይግባእ – ፕሬዚዳንት ታዬ ኣፅቀ ስላሴ
ኣዲስ ኣበባ፣ 25 መጋቢት 2017(ኤፍ ኤም ሲ) ተለዋዋጢ ጂኦ ፖለቲካ ዓለም ኣብ ግምት ዘእተወን ንለውጢ ዝተግህን ኣመራርሓ መንእሰይ ምፍራይ ቅድሚት ዝውሃቦ ተግባር ክኸውን ይግባእ ክብሉ ፕሬዚዳንት ታዬ ኣፅቀ ስላሴ ገሊፆም፡፡
ኣብ ኣዲስ ኣበባ ዝኽሪ ዓወት ዓድዋ እናተካየደ ኣብ ዝርከብ ጉባኤ ኣመራርሓ መናእሰይ ፖን ኣፍሪካ ፕሬዝዳንት ታዬ ኣብ ዘመሓላለፍዎ መልእኽቲ÷ ኣፍሪካ ዓርሳ ካብ ባዕዳውያን ገዛእቲ ንምንጋፍ ንናፅነትን ማዕርነትን ተቓሊሳ እያ ኢሎም፡፡
ኣመራርሓ መናሰይ ተለዋዋጢ ዝኾነ ጂኦ ፖለቲካ ዓለም ብዝጠልቦ መልክዑ ሓሳብ ብምፍልፋልን ውሳነ ምሃብን ትፅቢት ዝግበረሎም ምዃኑ ግዜኢ ፀብፂቡ፡፡