ጂ ኣይ ዜድ ምስ ኢትዮጵያ ኣብ ዓውዲ ሕርሻ ዘለዎ ምትሕብባር ከምዘጠናኽር ገሊፁ
ኣዲስ ኣበባ፣ 16 መጋቢት፣ 2017 (ኤፍ ኤም ሲ)ሚኒስትር ሕርሻ ግርማ ኣመንቴ (ዶ/ር) ምስ ሓላፊ ፕሮግራም ዓለም ለኸ ምትሕብባር ልምዓት ሕርሻ ጀርመን (ጂ ኣይ ዜድ) አንድሪያ ዊሊያም-ሰም ዘትዮም፡፡
ግርማ ኣመንቴ (ዶ/ር) ኣብቲ እዋን÷ ዓለም ለኸ ምትሕብባር ልምዓት ጀርመን ልሙዕነት ሓመድ ንምሕላው ዝተሰርሐ ሓገዝ ቴክኒክን ፋይናንስን ልዑል እጃም ከምዘበርከተ ገሊፆም፡፡
ኣብ ቀፃሊ ዝትግበሩ ሓደሽቲ ፕሮግራማት ንምትግባር ምስ ጂኣይዜድ ብምትሕብባር ከምዝሰርሕ ተዛሪቦም፡፡
አንድሪያ ዊሊያም-ሰም ብወገኖም÷ ትካሎም ምስ ሚኒስትር ሕርሻ ብምትሕብባር ኣብ ልምዓት ሕርሻ፣ ልሙዕነት ሓመድን ዓውዲ እንስሳን እንሰርሐ ምዃኑ ኣረዲኦም፡፡
ሓደሽቲ ፕሮጀክታት ኣብ ልምዓት ቡን፣ ሜካናይዜሽን ሕርሻ ን ሃፍቲ እንስሳን ከምኡ እውን ኣብ ልምዓት ሃፍቲ ተፈጥሮ ምስ ዓውዲ ውልቀ ብምትሕብባር ከምዝሰርሑ ምግላፆም ካብቲ ሚኒስትር ዝተረኸበ ሓበሬታ የረድእ፡፡