ጉባኤ መራሕቲ ሕብረት ኣፍሪካ ብዕዉት ኩነታት ንምትእንጋድ ዘኽእል ኩለ መዳያዊ ምድላው ተገይሩ-መንግስቲ

ኣዲስ ኣበባ፣ 4 ለካቲት፣ 2017 (ኤፍ ኤም ሲ)መበል 38 ጉባኤ መራሕቲ ሕብረት ኣፍሪካ ብዕዉት ኩነታት ንምትእንጋድ ዘኽእል ኩለ መዳያዊ ምድላው ከምዝተገበረ ኣገልግሎት ኮሚኒኬሽን መንግስቲ ኣፍሊጡ።

እቲ ኣገልግሎት ነዚ ጠሚቱ ዘውፀኦ እዋናዊ መግለፂ ብሙሉኡ ከም ዝስዕብ ቀሪቡ ኣሎ።

እዋናዊ መግለፂ ኣገልግሎት ኮሚኒኬሽን መንግስቲ ሃገርና ኢትዮጵያ ኣብ ዝሓዝናዮ ሰሙን መወዳእታ ዝሳለጥ ጉባኤ ሕብረት ኣፍሪካ ካብ ዝኾነ እዋን ብዝሓሸ መገዲ ብድምቀት ንምትእንጋድ ኣድላዪ ኩሉ ቅድመ ምድላው ብምዝዛም ኣጋጥሻ ንምቕባል ተዳሊያ ኣላ። ኢትዮጵያ ንምስረታ ሕብረት ኣፍሪካ ይኹን ድሕሪ ምስረታ መስ ካልኣት ሃገራት ኣፍሪካ ብምዃን ልዑል ኣስተዋፅኦ ገይራ ኢያ። መቐመጢ እቲ ሕብረት ከም ምዃንና መጠን በቢዓመቱ ዝሳለጥ ጉባኤ ኣፈፀምቲ ስራሕን ራሕቲን ብድምቀት ክነተኣናግድ ፀኒሕና ኢና።

ሕብረት ኣፍሪካ ሃገርና ኢትዮጵያ ንፓን ኣፍሪካኒዝም መበገሲን ማዕበሊን ዝነበራ ግደ ኩሉ ግዘ ዝዝከር ቀዋሚ ሓውልቲ ኢዩ። ብተወሳኺ ካልኦት ኣሕዋት ኣፍሪካዊያን ንፖለቲካዊን ዲፕሎማሲያዊን ዕዉትነት ኢትዮጵያ ዝፈፀምዎ ውዕለታ ዝዝከርን ብፍላይ ኣብ ዝተፀገምናሉ እዋናት ኩሉ ኣፍሪካዊያን ወገናትና ዝገበሩልና ድጋፍን ኣለና በሃላይነትን ዘርእይ ኢዩ።

ኢትዮጵያ ማእኸል ኣፍሪካ ንክትከውን ካብ ዝገብርዋ ብዙሓት ምኽኒያታት ሓደ፥ መቐመጢት ሕብረት ኣፍሪካን ካልኦት ዓለም ለኸ ትካላትን ምዃና ኢዩ። ኣዲስ ኣበባ ካብ ኒውዮርክን ጄኔቫን ቀፂላ ናይ ብዙሓት ዲፕሎማሲያዊ ትካላት መቐመጢት ኢያ። እዚ ማእኸል ዲፕሎማሲና እንኾርዐሉን ሰንደቕ ዓለማና ብኹርዓት እነንበልብለሉን መገዲ ኣየር ኢትዮጵያ እንትውሰኾ ኣብዝሓ ኣፍሪካዊ አንተነኣሰ ሓደ ግዘ ኢትዮጵያ ናይ ምርኣይ ዐድል ነክረክብ ገይሩ ኢዩ።

ኣብ ዝሓዝናዮ ሰሙን ንመበል 46 እዋን ዝካየድ ስሩዕ ኣኼባ ቤት ምኽሪ ኣፈፀምቲ ስራሕ ሕብረት ኣፍሪካን መበል 38 ጉባኤ መራሕቲ ሕብረት ኣፍሪካን ካበ ዝኾነ እዋን ንላዕሊ ብዙሓት ኣጋይሽ ዝርከብሉ ኢዩ። ኣብቲ ጉባኤ ርእሰ ብሄራት ወይ ርእሰ መንግስታት፣ ሚኒስትራት ጉዳያት ወፃኢን ልኡኻት መራሕቲን፡ እንግዶት ዝተገበረሎም ኣባላት ኣጋይሽ ሓዊሱ ልዕሊ 15 ሺሕ ኣጋይሽ ክሳተፉ ኢዮም ዝብል ትፅቢት ኣሎ። እቲ ጉባኤ ንምፅብፃብ ድማ ናብ ሓደ ሺሕ ዝፅግዑ ጋዜጠኛታት ፍቓድ ወሲዶም ኢዮም። እቲ ኩነት ብዕዉት ኩነታት ንምውጋን ምውዳድን ምንባብን ትካላት ብዘረጋግፅ መልክዑ 35 ትካላት ፌደራልን ምምሕዳር ከተማ ኣዲስ ኣበባን ዝርከቡሉ ዓብዪ ኮሚቴን ንኡሳን ኮሚቴታትን ተጣይሾም በቢእዋኑ ብግምጋም ስርሑ ብዕዉት ኩነታት ከምዝመርሑ፤ ብሰለስተ ዓለም ለኸ ቋንቋታት ብቑዓት ዝኾኑ ካዴታት ሰልጢኖም ምስ ነባር ዲፕሎማሰኛታት ሚኒስቴር ጉዳያት ወፃኢ ተዋፊሮም ኢዮም፡፡

ምስ ቪዛ፣ ክሊራንስ ስተምስን ፍቓድ ሚዲያን ተተሓሒዙ ኣገልግሎታት ብዝተቐላጠፈን ዝተናበበን መልክዑ ንኽወሃቡ ብፍሉይ ትኹረት ተሰሪሑ ኢዩ፤

ሆቴላት ካብ ዝህቡዎ ኣገልግሎት ብተወሳኺ ኣጋጣሚ ብምጥቃም መብፅሒታት ቱሪስት ሃርና ንኸፋልጡ ዘኽእል ደረጀኦም ዝሓለዉ ሓበሬታታት ብሰለስተ ዓለም ለኸ ቋንቋታት (እንግሊዘኛ፣ ፈረንሳይኛን ዓረብኛን) ቀሪቦም ኢዮም፡፡

ኣገልግሎት ትራንስፖርት ዝህቡ ናይ ታክሲ ኣሽከርከርቲ ስልጠና ሰናይ መስተንግዶ ካብ ምውሳድ ብተወሳኺ ንኣጋይሽ ዘካፍሉዎ ሓበሬታ ንኽዕጠቑ ተገይሩ፡፡

ከም መብራህቲን ቴሌኮሚኒኬሽን ዝበሉ ኣገልግሎት ዝህቡ ትካላት ብዕዙዝ ድሉውነት ኣገልግሎት ንኸቕርቡ ኣብ ዘኽእል ቁመና ይርከቡ፡፡

ብፍላይ ድማ እቲ ጉባኤ ብሰላም ንኽዛዘም ግብረ ሓይሊ ፀፅታን ድሕንነትን ብቴክኖሎጂ፣ ብኣሰራርሓን ሓይሊ ሰብን ምውፋር ብምግባር ካብ ካሊእ ግዘ ንላዕሊ ድሉው ኮይኑ ኢዩ፡፡

ኣጋይሽና ኣብ ዝህልዎም ፃሒት ካብቲ ኣኼባ ብተወሳኺ ኣብ ሃገርና ዝርከቡ መስሕባት ቱሪስት ንኽጉብንዩ፣ ፃዕሪታት ልምዓትን ውፅኢታትን ተዘዋዊሮም ንኽሪኡ፣ ፍርያታት ኢትዮጵያ ንኽቋደሱን ክተዓዳደጉን ንምግባር ካብ ኩሎም መዳርግ ኣካላት ብዙሓት ፃዕሪታት ትፅቢት ይግበር።

ከምዝፍለጥ ኣጋይሽ ናብ ሃገርና እንትመፅኡ ካብ ኣውሮፕላን ውሽጢ መተኣናገድቲ ጀሚሩ ኣብ መዕርፎ ነፈርቲ ዝረኽቡዎም ዝተፈላለዩ ትካላት ኣተሓበበርቲ፣ ኣሽከርከርቲ ታክሲን ናይ ሆቴል መተኣናገድቲን ሓዊሱ ምስ ዝተወሰኑ ሰባት ኢዮም ምትእትታው ዝፈጥሩ፡፡ ምስ እዞም ውሱናት ሰባት ዝህልዎም ምትእስሳር ብዛዕባ ኢትዮጵያ ይኹን ብዛዕባ ኢትዮጵያውያን ንነዊሕ እዋን ዝፀንሕ ዝኽሪ ዝሕዙሉ ኢዩ፡፡ ብምዃኑ ድማ ኣጋይሽ ተቐቢልና ኣብ እነተኣናግደሉ እዋን ከም ከም ሙያ ዓውዶም ጥራሕ እንተይኮነስ ከም ሓደ ተቐባሊ ኢትዮጵያዊ ንክኸውን ፃውዒት ሓደርኡ የመሓላልፍ።

ክሳብ መዛዘሚ እቲ ጉባኤ ኣብ ዝህልዉ መዓልታት ምስ ምዕፃው መገዲ ተዛሚዱ ዝህሉ ውሱን ምትእጉጓል ሃገርና ነዚ ልዑል ትርጉም ዘለዎ ኣህጉራዊ መድረኽ ብምትእንጋዳ ብመንፅር እንረኽቦ ረብሓ ብምርኣይ ብዝተለመረ ኣቀባብላ ኣጋይሽ ንክነተኣናገድ ፃውዒቱ የቕርብ።

ዕለታዊ ውዕሎና ምስቲ መርሃ ግብሪ ብምጥዕዓም ካብ ብሐዚኡ ኣድላዪ ቅድመ ምድላው ንክትገብሩ እናተሓሳሰብና፥ ነዚ ዝሕግዝ በዝምልከቶም ኣካላት መንግስቲ ዝወሃቡ ሓበሬታታት ንክትከታተሉ ክነተሓሳስብ ንፎቱ። ኣብ መወዳእታ እዚ ቅድመ መድላው ብዕዉት ኩነታት ንክዛዘም ለውቲን ቀትሪን ንዝሰርሑ ትካላት ምምሕዳር ፌዴራልን ከተማ ኣዲስ ኣበባን ኣገልግሎት ኮሚኒኬሽን መንግስቲ ልዑል ምስጋንኡ ኣቕሪቡ።