ጉዕዞ ምንስዕርራ ኢትዮጵያን ዝዕወት ብጥንካረ ትካላትና ኢዩ – ምክትል ቀዳማይ ሚኒስትር ተመስገን ጥሩነህ

ኣዲስ ኣበባ፣ 11 ለካቲት፣ 2017 (ኤፍ ኤም ሲ)ጉዕዞ ምንስዕርራ ኢትዮጵያን ዝዕወት ብጥንካረ ትካላትና ኢዩ ክብሉ ምክትል ቀዳማይ ሚኒስትር ተመስገን ጥሩነህ ገሊፆም፡፡

እቶም ምክትል ቀዳማይ ሚኒስትር÷ “ተፀዋዕነቶም ንቀዳማይ ሚኒስትር ዝኾኑ ኣፈፀምቲ ኣካላት ኣፈፃፅማ መንፈቕ ዓመት በጀት 2017 ሎሚ ገምጊምና” ኢሎም፡፡

ኣብ ዝሓለፉ ሽዱሽተ ዓመታት መንግስትና ንጥንኩር ህንፀት ትካላት ብፍሉይ ትኹረት ሰሪሑ። ብፍላይ ንቀዳማይ ሚኒስትር ተፀዋዕቲ ዝኾኑ ትካላት ንርእሶም ብዝግባእ ብምውዳብ ንህንፀት ሃገር ዝቑፀር ኣስተዋፅኦ እናበርከቱ ከምዝርከቡ እውን ገሊፆም።

“ኣብ ዓውዲታት ፖለቲካ፣ ኢኮኖሚን ማሕበራዊ ኣብ ዝሓለፉ ሽዱሽተ ኣዋርሕ ዝተመዝገቡ ዓወታት መርአዪ ዓቕሚ ትካላትና ኢዮም”።

“ብፍላይ እቶም ትካላት ጉዕዞ ብራኸ ኢትዮጵያ ንምዕዋት ኣወሃህባ ኣገልግሎት ምዝማን፣ ወፃኢ ዝቑጥብ ኣሰራርሓ ምኽታል፣ ዝተዋደደ ኣሰራርሓ ምጥንኻርን ብዝተውሃበ ልኡኽቶ ብእንፈጥሮ ሰናይ ፅዕንቶ ከምኡ እውን ዝተረኸቡ ውፅኢታት ቀፃ ብዝኾነ መገዲ እናገምገምካ ምኻድ ኣድላዪ ከምዝኾነ ኣንፈት ኣቐሚጥና” ክብሉ ኣብሪሆም፡፡