ጉጅለ ሱፐርቪዥን ቤት ፅሕፈት ቀ/ሚ ኣብ ኢንስቲትዩት ኣርቲፊሻል ኢንተለጀንስ ኢትዮጵያ ዑደት ኣሳሊጡ
ኣዲስ ኣበባ፣ 19 ለካቲት፣ 2017 (ኤፍ ኤም ሲ)ኣባላት ጉጅለ ሱፐርቪዥን ቤት ፅሕፈት ቀዳማይ ሚኒስትር ኣብ ኢንስቲትዩት ኣርቲፊሻል ኢንተለጀንስ ኢትዮጵያ ዑደት ኣሳሊጦም።
እቲ ጉጅለ ሱፐርቪዥን በቲ ኢንስቲትዩት ዝማዕበሉ ስራሕቲ ቴክኖሎጂ ኣርቲፊሻል ኢንተለጀንስ ዝገምገመ እንትኸውን፤ ኣብ ዝተፈላለዩ ክፍሊታት ስራሕ እቲ ትካል እውን ተዘዋዊሮም ተመልኪቶም፡፡
ስራሕቲ እቲ ኢንስቲትዩት ብዝምልከት ዋና ዳይሬክተር ኢንስቲትዩት ኣርቲፊሻል ኢንተለጀንስ ኢትዮጵያ ወርቁ ጋቸና (ዶ/ር) ገለፃ ገይሮም፡፡
መራሒ እቲ ጉጅለ ሱፐርቪዥን ቀነኣ ያደታ (ዶ/ር) ድሕሪ እቲ ዑደት ኣብ ዝሃቡዎ ርኢቶ፤ እቲ ኢንስቲትዩት ልዕሊ ዕድሚኡ ዝኾኑ ስራሕቲ ከምዝሰርሐን እቲ ትካል ንሃገር ልዑል ዓቕሚ ከምዝኾነን ተዛሪቦም፡፡
እዚ ዓቕሚ ኣብ ዝተፈላለዩ ዓውዲታት ንዝረኣዩ ፀገማት ቁልፊ መፍትሒ ንምግባር ምስ ካልኦት ትካላት ብቐረባ ምስራሕ ይግባእ ምባሎም ሓበሬታ እቲ ኢንስቲትዩት የመላኽት፡፡