ጉጅለ ክትትልን ድጋፍን ቤት ፅሕፈት ቀዳማይ ሚኒስትር ኣብ ስራሕቲ ኣገልግሎት ኮሙኒኬሽን መንግስቲ ትዕዝብቲ ኣካይዱ

ጉጅለ ክትትልን ድጋፍን ቤት ፅሕፈት ቀዳማይ ሚኒስትር ኣብ ስራሕቲ ኣገልግሎት ኮሙኒኬሽን መንግስቲ ትዕዝብቲ ኣካይዱ

ኣዲስ ኣበባ፣ 21 ለካቲት፣ 2017 (ኤፍ ኤም ሲ)ብኣማኻሪ ዘፈር ብሄራዊ ድሕንነት ቤት ፅሕፈት ቀዳማይ ሚኒስትር ሚኒስትር ዴኤታ ቀንኣ ያደታ (ዶ/ር) ዝተመርሐ ጉጅለ ክትትልን ድጋፍን ኣብ ስራሕቲ ኣገልግሎት ኮሙኒኬሽን መንግስቲ ዘተን ትዕዝብቲ ኣካይዱ።

ኣብ እዋን እቲ ትዕዝብቲ ሚኒስትር ኣገልግሎት ኮሙኒኬሽን መንግስቲ ለገሰ ቱሉ (ዶ/ር) ብዛዕባ እዋናዊ ኩነታት ኣፈፃፅማ ስራሕ እቲ ትካልን ኣብ ቀፃሊ ንምትግባር ዝተሓሰቡ ስራሕቲ ኮሙኒኬሽንን ዝጠመተ ሰፊሕ ገለፃ ገይሮም፡፡

እቲ ኣገልግሎት ዕላማ ተኮር ዝኾኑን ህዝቢ ማእኸል ዝገበሩን ስራሕቲ ኮሙኒኬሽን ብምውዳብ እናሰርሐ ከምዝኾነ ኣብሪሆም፡፡

ሃገራዊን እዋናዊን ጉዳያት ዝተመልከቱ ሓበሬታታት ሰላም፣ ልምዓትን ዲሞክራሲን ትኽክለኛን እዋናዊን ምስሎም ብመሓዝ ናብ ህዝቢ ንኽበፅሑ ብቖራፅነት እናተሰርሐ ከምዝኾነ ዶ/ር ለገሰ ቱሉ ኣብሪሆም፡፡

ኣገልግሎት ኮሙኒኬሽን መንግስቲ ብዋናነት ትኽክለኛን እዋናዊን ትሕዝቶ ዘለዎም ሓበሬታታት ንትካላት ሚዲያ ምቕራብን ምምራሕን፣ ክትትልን ዳህሳስን ሚዲያ ምግባር፣ ትካላት ኮሙኒኬሽን ፌዴራልን ክልልን ብምትሕብባር ተግበራት እቲ ኣገልግሎት ኢዮም ዝበሉ እቶም ሚኒስትር፣ ኣብ ዝሓፉ ሒደት እዋናት ብውፅኢት ዝተዓጀቡ ስራሕቲ ምውጋን ከምዝኸኣለ ተዛሪቦም፡፡

ፀብፃባት ሚዲያ ልዕሊ ኩሉ ኣብ ህንፀት ሰላም ትኹረት ንኽገብሩን ምንቅስቓስ መላእ ከባታት ሃገር ብምርኣይን ዝስተውዓሉ ፀገማት ንኽፍትሑ ኣብ ምግባር ብትኸኹረት ከምዝተሰርሐ እውን ተዛሪበን፡፡

“እዚ ድማ ውፅኢት ዘምፀአ ብምዃኑ ኣብ ቀፃሊ ስራሕቲ ሚዲያ ኣጠናኺርካ ክቕፅል ኣብ ምግባር ክስራሕ ኢዩ” ኢሎም፡፡

ኣባላት ጉጅለ ክትትልን ድጋፍን ቤት ፅሕፈት ቀዳማይ እዋናዊ ኩነታት እቲ ኣገልግሎት ተዘዋዊሮም ከምዝተዓዘቡ ሓበሬታ ኣገልግሎት ኮሙኒኬሽን መንግስቲ የመላኽት፡፡