ጉጅለ ወሃቢ ህፁፅ ምላሽ ፖሊስ ፌዴራል ናብ ዱባይ ኣቲዩ

ኣዲስ ኣበባ፣ 18 ጥሪ፣ 2017 (ኤፍ ኤም ሲ)ጉጅለ ወሃቢ ህፁፅ ምላሽ ፖሊስ ፌዴራል (ስዋት) ኣብ ሕቡራት ኤሚሬታት ዓረብ ዝተሰናደአ ውድድር ኣወሃህባ ህፁፅ ምላሽ ንምስታፍ ናብ ዱባይ ኣቲዩ።

እቲ ጉጅለ ንኢትዮጵያ ብምውካል ከም ኣቆፃፅራ ኣውሮፓውያን 2025 ኣብ ዝካየድ ውድድር ኣወሃህባ ህፁፅ ምላሽ ብልኡኽቶ ታክቲካል ኦፕሬሽን ቻሌንጅ፣ መጥቃዕቲ፣ ቪኣይፒ ኣመራርሓ ናይ ምድሓን ልኡኽቶ፣ ናብ ልዑል ብራኸ ምውፃእን ምውራድን ከምኡ እውን ኣብ ኮርስ መሕንኩሎስ ክወዳደር ኢዩ ተባሂሉ፡፡

ኮሚሽነር ጀነራል ፖሊስ ፌደራል ደመላሽ ገብረሚካኤል ነቲ ጉጅለ ኣብ ዝገበሩዎ ምፍናው÷ እቲ ውድድር ጉጅለ ወሃቢ ህፁፅ ምላሽ ኢትዮጵያ ተሞክሮ ከምዘለዎን ካብ ካልኦት ሃገራት ተሞክሮታት ንምውሳድን ከምዝሕግዝ ገሊፆም፡፡

ኣባላት እቲ ጉጅለ ኣብቲ ውድድር ፅቡቕ ስነ-ምግባር ብምርኣይ፣ ብብቕዓት ብምውድዳርን ዓወት ብምምዝጋብ ፅቡቅ ምስሊ ትካል ፖሊስ ፌደራል ኢትዮጵያ ኣብ ዓለም መድረኽ ንኸፋልጡ መምርሒ ሂቦም፡፡

በኣብቲ ውድድር ኣሜሪካን ቻይናን ሓዊሱ ካብ 50 ሃገራት ዝተውፃእፅኡ ልዕሊ 120 ጉጅለታት ተሳተፍቲ ከምዝኾኑ ሓበሬታ ፖሊስ ፌዴራል ኢትዮጵያ የመላኽት፡፡