ግርማ ኣመንቴ (ዶ/ር) ምስ ቀዋሚት ተወካሊት ዓለም ለኸ ማሕበር ቀይሕ መስቀልን ቀይ ወርሒን ተዛቲዮም

ኣዲስ ኣበባ፣ 27 ለካቲት፣ 2017 (ኤፍ ኤም ሲ)ሚኒስትር ሕርሻ ግርማ ኣመንቴ (ዶ/ር) ምስ ቀዋሚት ተወካሊት ዓለም ለኸ ማሕበር ቀይሕ መስቀልን ቀይ ወርሒን ኣብ ሕብረት ኣፍሪካ ኣሻ መሓመድ ተዛቲዮም።

ኣብ ዘተኦም ድማ ኣብ መጠናኸሪ ፕሮግራም ምግቢን ስርዓተ-ምግቢን ብሓባር ምስራሕ ኣብ ዝከኣለሎም ጉዳያት ዘቲዮም፡፡

ኢትዮጵያ ኣብ መርሃ ግብሪታት ልምዓት ስርናይ፣ ሓምለዋይ ኣሰርን ትሩፋት ሌማትን ውፅኢታዊ ተግባራት ምውጋና እቶም ሚኒስትር ኣብሪሆም፡፡

መጠናኸሪ ፕሮግራም ምግቢን ስርዓተ-ምግቢን ኢትዮጵያ፤ ከም ኣቆፃፅራ ኣውሮፓውያን ካብ 2025 ክሳብ 2035 ኣብ ሸውዓተ ክልላት ከምዝትግበር ተገሊፁ፡፡

እቲ ፕሮግራም ኣብተን ክልላት ብምኽንያት ጎንፂ፣ ክሌማዊ ለውጢን ዝተፈላለዩ ምኽንያታትን ፀገም ውሕስና ምግቢን ድኽነት ዘጋጠሞም ከባቢታት 15 ሚሊየን ዜጋታት ተጠቀምቲ ከምዝገብር ተሓቢሩ፡፡

ኣብ ውሕስና ምግቢን ስርዓተ-ምግቢን ዝትግበሩ ዝተፈላለዩ ፕሮጀክታት ከምዘለዉ ዝገለፁ እቶም ሚኒስትር፤ እዚ ፕሮግራም ተወሳኺ ዓቕሚ ከምዝፈጥር ምግላፆም ካብ ሚኒስቴር ሕርሻ ዝረኸብናዮ ሓበሬታ የረድእ፡፡

ኣሻ መሓመድ ብግደአን፤ ኢትዮጵያ ምስ ዝተፈላለዩ ፕሮጀክታት ልምዓት ሓቢራ ኣብ ምስራሕ ፅቡቕ ተሞክሮ ከምዘለዋን እቲ ሓዱሽ ፕሮግራም እውን ዕዉት ከምዝኸውን ኣልዒለን፡፡