ጎረባብቲ ሃገራት ሓዊሱ ኣብ ግምት ዘእተወ መወገዲ ሓደገኛ ኬሚካላት ናብ ሃገር ክህነፅ ኢዩ

ኣዲስ ኣበባ፣ 2 መጋቢት፣ 2017 (ኤፍ ኤም ሲ)ኢትዮጵያ ካብ ባዕላ ሓሊፉ ንጎረባብቲ ሃገራት ኣብ ግምት ዘእተወ መወገዲ ሓደገኛ ኬሚካላት ናብ ሃገር ክክትሃንፅ ምዃና ዋና ዳይሬክተር በዓል መዚ ሓለዋ ከባቢ ለሊሴ ነሜ (ኢ/ር) ገሊፀን፡፡

እተን ዋና ዳይሬክተር ከምዝገለፀኦ፤ ኢትዮጵያ ብመሰረት ዝፈረመቶም ዓለም ለኸ ስምምነታት ኣብ ሰብን ከባቢን ጉድኣት ዘብፅሑ ሓደገኛ ኬሚካላት ናብ ሃገር ከይኣትዉ ቁፅፅር እናገበረት ትርከብ።

ትካላት ጥዕና፣ ኣቢያተ ትምህርቲን ካልኦት ትካላትን ኣድለይቲ ኬሚካላት ናብ ሃገር ከእትዉ ከምዝኽእሉ እውን ተዛሪበን።

እቶም ኬሚካላት ናይ ኣገልግሎት ግዘኦም እንትሓልፍ ብግቡእ ክውገዱ ከምዝግባእ ብምግላፅ፤ እንተዘይተወጊዶም ኣብ ልዕሊ ሰብ፣ ጥዕናን ከባቢያዊ ስነ ምህዳርን ዝኸፍአ ጉድኣት ዘብፅሑ ከምዝኾኑ ኣገንዚበን።

ብምዃኑ ድማ ኣገልግሎቶም ዝሓለፈ ኬሚካላት ዘእትዉ ትካላት ንኸወግዱ እናተገበረ ከምዝኾነ ተዛሪበን፡፡

ኢትዮጵያ ቅድሚ ሕዚ ሓደገኛ ኬሚካላት መወገዲ ከምዘይነበራ ብምሕባር፤ መንግስቲ ንጎረባብቲ ሃገራት ሓዊሱ ኣብ ግምት ዘእተወ መወገዲ ኬሚካል ንምህናፅ መፅናዕቲ ዲዛይን እናገበረ ከምዝኾነ ምግላፀን ግዜኢ ፀብፂቡ።