ፊልድ ማርሻል ብርሃኑ ጁላ ንሩዋንዳ መዘነኦም ዝተፈላለዩ ህያባት ኣበርኪቶም

ኣዲስ ኣበባ፣ 5 መጋቢት፣ 2017 (ኤፍ ኤም ሲ)ላዕለዋይ ኢታማዡር ሹም ሓይሊታት ጦር ፊልድ ማርሻል ብርሃኑ ጁላ ንላዕለዋይ ኢታማዦር ሹም ሩዋንዳ ጄነራል ሙባረክ ሙጋጋ ፍሉያት ህያባት ኣበርኪቶም።

ፊልድ ማርሻል ብርሃኑ ጁላ ብላዕለዋይ ኢታማዦር ሹም ሩዋንዳ ንዝተመርሐ ልኡኽ እንግዶት ድራር ገይሮም።

ፊልድ ማርሻል ብርሃኑ ኣብቲ ስነ-ስርዓት እንግዶት ድራር÷ ንኢታማዦር ሹም ሩዋንዳን ልኡኾምን ባህላዊ ኣልባሳት ኢትዮጵያ ፍሉያት ህያባትን ከምዘበርከቱ ካብ ማሕበራዊ ሚዲያ ሰራዊት ምክልኻል ዝረኸብናዮ ሓበሬታ የረድእ።

ጄነራል ሙባረክ ሙጋጋ ብተመሳሳሊ ንፊልድ ማርሻል ብርሃኑ ጁላ ጀጋኑ ዓድዋ ዝዝክር ጋሻን ጦርን ዝሓዘ ምስሊ ሓዊሱ ዝተፈላለዩ ህያባት ኣበርኪቶምሎም።

ኣብቲ ስነ-ስርዓት ጉጅለ ኦርኬስትራ ምክልኻል ዝተፈላለዩ ስራሕቲ ሙዚቃ ኣቕሪቡ።