ፍሪያታት ለውጢ ዝኾኑ ገዘፍቲ ልምዓታት ብርኪ ናብራ ህዝቢ የመሓይሹ ከምዘለዉ ተገሊፁ

ኣዲስ ኣበባ፣ 23 መጋቢት፣ 2017 (ኤፍ ኤም ሲ) ‘ካብ መጋቢት ክሳብ መጋቢት’ ብዝተገበረ ዝተዋደደ ርብርብ በቢከባቢኡ ዝተሃነፁ ፍሪያታት ለውጢ ዝኾኑ ገዘፍቲ ልምዓታት ብርኪ ናብራ ህዝቢ የመሓይሹ ከምዘለዉ ጨንፈር ቤት ፅሕፈት ፓርቲ ብልፅግናኣዲስ ኣበባ ገሊፁ።

ፅባቐ ኣዲስ ኣበባን ኢትዮጵያን ይቕይሩ ዘለዉ እቶም ገዘፍቲ ስራሕቲ ልምዓት ካብ መጋቢት ክሳብ መጋቢት ብዝተገበረ ምውዳድ ዝተመዝገቡ ፍረታት ለውጢ ከምዝኾኑ እቲ ቤት ፅሕፈት ኣፍሊጡ።

በቢብርኪ ዝርከቡ ኣመራርሓታት፣ ኣቦታት ሃይማኖት፣ ዓበይቲ ዓዲ፣ ኣካላት ፀፅታን ዝተፈላለዩ ክፋላት ማሕበረሰበን ኣብ ዝሓለፉ ናይ ለውጢ ዓመታት ኣብ ኣዲስ ኣበባ ዝተሃነፁ ግዙፋትን ሰብ ተኮርን ፕሮጀክትታት ልምዓት ዑደት ይገብሩ ኣለዉ።

እቲ ዑደት ንዝዓበየ ዓወት ተወሳኺ ምልዕዓል ንምስናቕ ዘኽእል ከምዝኾነ እቲ ቤት ፅሕፈት ገሊፁ።