ፓርቲ ብልፅግና ተረባሕነት ዜጋታት ኣብ ምርግጋፅ ጭቡጥ ውፅኢት ኣመዝጊቡ ኢዩ – ኤርጎጌ ተስፋዬ (ዶ/ር)

ኣዲስ ኣበባ፣ 18 ጥሪ፣ 2017 (ኤፍ ኤም ሲ)ፓርቲ ብልፅግና ኣብ ቀዳማይ ጉባኤኡ ብመሰረት ዝኣተዎ ቃል ተረባሕነት ደቂ ኣንስትዮ፣ ህፃናትን መናእሰይን ኣብ ምርግጋፅ ጭቡጥ ውፅኢት ከምዘመዝገበ ኣባል ኮሚቴ ፈፃሚ ስራሕ እቲ ፓርቲን ሚኒስትር ደቂ ኣንስትዮን ማሕበራዊ ጉዳይን ኤርጎጌ ተስፋዬ (ዶ/ር) ገሊፀን፡፡

እተን ሚኒስትር ከምዝገለፀኦ፣ እቲ ፓርቲ ኢኮኖሚያዊን ማሕበራዊን ተረባሕነት ደቂ ኣንስትዮን መናእሰይን ከምኡ እውን ፖለቲካዊ ተሳትፎ ከረጋግፁ ዝኽእሉ ተግባራት ወጊኑ።

ኣብ ኢትዮጵያ ደቂ ኣንሰትዮ ኣብ መውፅኢ ሕጊ፣ ተርጓሚ ሕጊን ኣስፈፃሚን ኣካላት ዘለወን ተሳትፎ ቅድሚ ለውጢ ካብ ዘነበሮ 23 ሚኢታዊ ናብ 35 ሚኢታዊ ከምዝዓበየ ተዛሪበን፡፡

ዜጋታት ብዝመረፁዎ ውዳበ ናይ ምውዳብ መሰልን ረብሐኦም ምኽባርን ንኽኽእሉ እቲ ፓርቲ ብዝወገኖም ተግባራት ናይ ምውዳብ ምጣነ ካብ 10 ናብ 40 ሚኢታዊ ከምዝዓበየ ተዛሪበን፡፡

መናእሰይ ንምብቃዕ ብዝተወገኑ ተግባራት ፖለቲካዊ ተሳትፎኦም ካብ 10 ናብ 18 ሚኢታዊ ክብ ምባል ከምዝተኽኣለ ምህላፀን ግዜኢ ፀብፂቡ።

ኩለመዳይ ተሳትፎን ተረባሕነትን ንምድንፋዕ ሃገር ለኸ ካውንስል መናእሰይ ንኽምስረት ከምዝተገበረ እውን ገሊፀን።