ፓርቲ ብልፅግና ኣብ ዘሕለፎም ውሳነታት ዙሪያ ምስ ኣባላት ማሕበረሰብ ዲፕሎማሲ ይዝቲ ኣሎ

ኣዲስ ኣበባ፣ 18 ለካቲት፣ 2017 (ኤፍ ኤም ሲ)ፓርቲ ብልፅግና ኣብ ካልኣይ ስሩዕ ጉባኤ ኣብ ዘሕለፎም ውሳነታት ብምድሃብ መቐመጢኦም ኣብ ኣዲስ ኣበባ ምስ ዝገበሩ ኣባላት ማሕበረሰብ ዲፕሎማሲ መድረኽ ዘተ የሳልጥ ኣሎ፡፡

ሓላፊ ርክብ ህዝቢን ዓለም ለኸ ዘፈራትን እቲ ፓርቲ ቢቂላ ሁሪሳ (ዶ/ር) ከምዝገለፅዎ፥ እቲ ፓርቲ ኣብ ካልኣይ ጉባኤኡ ተረባሕነት ዜጋታት ክብ ንምባል ውሳነታት አሕሊፉ፡፡

“ዕላማ እቲ ዘተ እውን ኣብ ዝተመሓለለፉ ውሳነታትን ኣንፈታትን ንኣባላት ማሕበረሰብ ዲፕሎማሲን ዓለም ለኸ ትካላት ዝተዋደደ ሓበሬታ ንምሃብ እዩ” ኢሎም፡፡

ብሓባር ንምስራሕ ኣብ ዘክእሉ ቁልፊ ኣጀንዳታት ምርድዳእ ንምፍጣር እቲ ዘተ ልዑል ግደ ከምዘለዎ ተሓቢሩ፡፡

ዳይሬክተር ርክብ ዓለም ለኸን ዋና ቤት ፅሕፈት እቲ ፓርቲ ነብዩ ስሑል፥ ፓርቲ ብልፅግና ኣብ ካልኣይ ጉባኤኡ ዘሕለፎም ውሳነታት ገለፃ ሂቦም፡፡

እቲ ፓርቲ ዝሃቦ ኣመራርሓ ውፅኢት ከምዘመዝገበ ድሕሪ ምሕባር÷ ዘላቒ ሰላም ንምርግጋፅ፣ ዘፈራት ሪፎርም፣ ብምግቢ ዓርስካ ምኽኣል ከምኡውን ህንፀት ኣፈፃፅማ ዓበይቲ ፕሮጀክታት ከም ኣብነት ኣልዒሎም፡፡

ኣብ ዓውዲ ኢኮኖሚ ዝተመዝገቡ ውፅኢታት ክቕፅሉ ብምግባር ካብዚ ዓመት ጀሚሩ ንቀፀልቲ ተኸታተልቲ ዓመታት 8 ነጥቢ 4 ሚኢታዊ ዕቤት ንምምዝጋብ ትልሚ ከምዝሓዘ ተሓቢሩ፡፡