ፓርቲ ብልፅግና ዝተጀመረ ሃገራዊ ዕቤት ንምቅልጣፍ እናሰርሐ ምዃኑ ገሊፁ

ኣዲስ ኣበባ፣ 24 መጋቢት፣ 2017 (ኤፍ ኤም ሲ)ፓርቲ ብልፅግና ዕት ስርዓት ምዘና ብምዝርጋሕ ከም ሃገር ዝተጀመረ ሃገራዊ ዕቤት ንምቅልጣፍ እናሰርሐ ምዃኑ ብመዓርግ ምክትል ቀዳማይ ሚኒስትር ሓላፊ ማእኸል መተሓባበሪ ህንፀት ስርዓት ዴሞክራሲን ምክትል ፕሬዚዳንት ፓርቲ ብልፅግናን ኣደም ፋራህ ገሊፆም፡፡

ኣመራርሓን ሰራሕተኛታትን ዋና ቤት ፅሕፈት ፓርቲ ብልፅግና 24 መጋቢት ዘኽበሩ እንትኾኑ፤ ጎድና ጎድኒ ድማ ንኣመራርሓን ሰብ ሞያን እቲ ዋና ቤት ፅሕፈት ዕዉት ስርዓት ምዘና ንምዝርጋሕ ዝዓለመ መርሃ ግብሪ ስልጠና ተኻዱ፡፡

ኣይተ ኣደም እቲ ስልጠና ኣብ ዘጀመሩሉ እዋን ከምዝበሉዎ፤ ግልፅና ኣብ ጭቡጣት መለክዒታት ዝተመስረተ፣ እዋናዊን ፅሬት ዘለዎምን ሓበሬታታት መመዘኒ እታወት ዝጥቀምን፣ ኣሳታፊ፣ ቀፃልነት ዘለዎ ምምሕያሽ ንምምፃእ ዝሕግዝ ስርዓት ግብረ መልሲ ዘነዎን ስርዓት ቅርታ ዘካተተ ዘላቒ ከይዲ መምዘኒ ንምዝርጋሕ ብፍሉይ ትኹረት እናተሰርሐ ይርከብ፡፡

ፓርቲ ብልፅግና ዕዉት ስርዓት  ምዘና ብምዝርጋሕ ከም ሃገር ዝተጀመረ ዕቤት ንምቅልጣፍ እናሰርሐ ከምዝርከብ እውን ኣብሪሆም፡፡

“ልኡኽቶ፣ ትልሚን ኣፈፃፅማን ማእኸል ዝገበረ ዕዉት ስርዓት ምዘና ኣብ ስራሕ ምውዓል፤ ኩለመዳይ ምዕባለ ንምርግጋፅ ዝጀመርናዮ ጉዕዞ ንምቅልጣፍ ዕዙዝ ግደ ኣለዎ” ክብሉ ገሊፆም፡፡

በቢብርኩ ዝርከቡ ኣመራርሓን ኣባላትን እቲ ፓርቲ ንተፈፃምነቱ ትፅቢት ዝግበረሎም እጃም ንኽዋፅኡ እውን ኣተሓሳሲቦም።