ፕሬዚዳንት ትራምፕ ዓመፅቲ ሑቲ ብግብረ ራዕዲነት ንክፍረጁ ትእዛዝ ሂቦም

ኣዲስ ኣበባ፣ 15 ጥሪ፣ 2017 (ኤፍ ኤም ሲ)ፕሬዚዳንት ኣሜሪካ ዶናልድ ትራምፕ ዓመፅቲ ሑቲ ዳግም ብግብረ ራዕዲነት ንክፍረጁ ትእዛዝ ሂቦም።

እቶም ፕሬዚዳንት ኣብ ሰሜናዊ የመን ዝንቀሳቐሱ ዓመፅቲ ሑቲ ኣብ ናይ ወፃኢ መዝገብ ግብረ ራዕዲ ንክካተቱ ኣብ ዝእዝዝ ረቂቕ ፖሊሲ ምፍራሞም ተገሊፁ።

እቶም ዓመፅቲ ኣብ ቀዳማይ ዙር ምምሕዳር ትራምፕ ኣብ መዝገብ ጉጅለ ግብረ ራዕዲ ተኻቲቶም ዝነበሩ እንትኾኑ፥ ኣብ 2021 ዓ.ም.ፈ ናብ ስልጣን ዝመፅኡ ፕሬዚዳንት ጆ ባይደን ኣብ የመን ኣብ ዝግበር ሰብኣዊ ሓገዝ ንምስላጥ ብዝብል እቲ ጉጅለ ካብ መዝገብ ግብረ ራዕዲ ምስራዞም ይዝከር።

ከም ፀብፃብ ኣል ዓረቢያ፥ ዓመፅቲ ሑቲ ወይ ኣንሳር ኣላህ ብዝብል ዝፍለጥ ዓማፂ ጉጅለ ሑቲ ኣብ 1990 ዓ.ም.ፈ ኢዩ ተጣይሹ።

ሑቲ ኣካል ናይቶም ኣብ ማእከላይ ምብራቕ ብኢራን እናተደገፉ መጥቃዕትታት ዝፍፅሙ ሕዝቦላህን ሓማስን ዝርከብዎም ዕጡቓት ጉጅለታት ምዃኑ ይፍለጥ።

ብሚኪያስ ኣየለ