ፕሮጀክታት ኣብ ዝተትሓዘሎም ግዘን በጀት ብፅሬት ንኽዛዘሙ ክትትል ምግባር ከምዝግባእ ተገሊፁ

ኣዲስ ኣበባ፣ 16 ጥሪ፣ 2017 (ኤፍ ኤም ሲ)ፕሮጀክታት ህንፀት ኣብ ዝተትሓዘሎም ግዘን በጀት ብፅሬት ንኽዛዘሙ ክትትል ምግባር ከምዝግባእ ቀዋሚ ኮሚቴ ጉዳያት መሰረተ ልምዓት ከተማን ትራንስፖርትን ባይቶ ወከልቲ ህዝቢ ኣተሓሳሲቡ፡፡

እቲ ቀዋሚ ኮሚቴ ፀብፃብ ኣፈፃፅማ ትልሚ መንፈቕ ዓመት 2017 ዓ.ም ሚኒስቴርን ከተማን መሰረተ ልምዓትን ገምጊሙ።

ምክትል ኣካቢ እቲ እቲ ቀዋሚ ኮሚቴ እሸቱ ተመስገን (ዶ/ር) ኣብቲ እዋን÷ እቲ ሚኒስቴር ህንፀታት ኣብ ዝተትሓዘሎም በጀትን ግዘን ብፅሬት ንኽዛዘሙ ዝጀመሩዎም ተግባራት ኣጠናኺሩ ክቕፅል ከምዝግባእ ኣተሓሳሲበን።

ኣብቲ ዓውዲ ፅሬት ንምሕላው ቁፅፅር ምግባርን ደረጃታት ህንፃን ኮዳትን ዝምልከቱ ሓበሬታታት ብዘበናዊ ቴክኖሎጂ ምውዳብ ኣድላዪ ከምዝኾነ ኣመልኪቶም።