1 ነጥቢ 1 ሚሊየን ኩንታል ዳፕን ዩሪያን ዝፀዓና መራኽብ ኣብ ወደብ በፂሐን

ኣዲስ ኣበባ፣ 27 ጥሪ፣ 2017 (ኤፍ ኤም ሲ)1 ነጥቢ 1 ሚሊየን ኩንታል ንበነ ምህርቲ 2017/18 ዘገልግል ዘበናዊ ዱኽዒ ዳፕን ዩሪያን ዝፀዓና መራኽብ ኣብ ወደብ ጅቡቲ ምብፀሐን ኮርፖሬሽን ስራሕቲ ግብርና ኢትዮጵያ ኣፍሊጡ።

ነዚ ስዒቡ ክሳብ 27 ጥሪ 2017 ዓ.ም ካብ ወፃኢ ዝተጓዓዓዘ ዘበናዊ ዱኽዒ መጠኑ ናብ 5 ሚሊየንን 392 ሺሕን 600 ክብ ከምዝበለ ተሓቢሩ።

ካብ መንጎ እዚ 3 ሚሊየንን 717 ሺሕን 212 ኩንታል ናብ ውሽጢ ዓዲ ብምጉዓዝ ብማሕበራት ሕብረት ስራሕ ኣቢሉ ናብ ሓረስቶት ይከፋፈል ከምዘሎ ተገሊፁ።

1 ሚሊየንን 675 ሺሕን ኩንታል ዳፕን ዩሪያን ዝፀዓና ሰለስተ መራኽብ ካብ 28 ጥሪ ክሳብ 5 ለካቲት 2017 ዓ.ም ናብ ወደብ ክበፅሓ ኢየን ዝብል ትፅቢት ከምዘሎ ኣብቲ ኮርፖሬሽን ዝረኸብናዮ ሓበሬታ የረድእ።