ኣብ ዘለዉዎ ብምዃን ሓይሊ ንምግዛእ ዘኽእል ስማርት ቆፃሪ እናተገጠመ ከምዝኾነ ተገሊፁ

ኣዲስ ኣበባ፣ 18 ታሕሳስ፣ 2017 (ኤፍ ኤም ሲ)ተጠቀምቲ ቅድመ ክፍሊት ዓማዊል ኣብ ዘለዉዎ ብምዃንሓይሊ ኤሌክትሪክ ንምግዛእ ዘኽእሎም ነባር ቆፀርቲ ብኤስ ቲ ኤስ ስማርት ሜትር እናቐየረ ከምዝኾነ ኣገልግሎት ኤሌክትሪክ ኢትዮጵያ ኣፍሊጡ፡፡

ክሳብ ሕዚ ኣብ ኮንዶሚኒየም ባልደራስን ኣብ ኮንዶሚኒየም መካኒሳ ባቱ ሓደን ልዕሊ 1 ሺሕን 600 ነባር ቆፀርቲ ብኤስ ቲ ኤስ ስማርት ቆፀርቲ ምቕያር ከምዝተኽኣለ እቲ ትካል ገሊፁ፡፡

ኣብ ዝቕፅሉ ሰለስተ ኣዋርሕ 10 ሺሕ ነባር ቆፀርቲ ንምቕያር ተሓሲቡ እናተሰርሐ ከምዝርከብ ካብቲ ኣገልግሎት ዝረኸብናዮ ሓበሬታ የረድእ፡፡

ኤስ ቲ ኤስ ስማርት ቆፀርቲ ዓማዊል ናብ ማእኸል ምምፃእ እንተየድለዮም ኣብ ዘለዉዎ ኮይኖም ስልኮም ብምጥቃም ጥራሕ ሓይሊ ምግዛእ ከምኡ እውን ኣጠቓቕማ ሓይሊ ምክትታል ዘኽእሉ ኢዮም ተባሂሉ፡፡