ሚኒስትር ኢነርጂን መሰረተ ልምዓትን እስራኤል ኣብ ኢትዮጵያ ዝነበሮም ፃንሒት ርክብ ክልቲአን ሃገራት ዘጠናኽር ከምዝኾነ ገሊፆም

ኣዲስ ኣበባ፣ 28 ጥሪ፣ 2017 (ኤፍ ኤም ሲ)ሚኒስትር ኢነርጂን መሰረተ ልምዓትን እስራኤል ኢሊ ኮህን ኣብ ኢትዮጵያ ዝነበሮም ፃንሒት ኩለመዳያዊ ርክብ ክልቲአን ሃገራት ዘጠናኽር ከምዝኾነ ገሊፆም።

እቶም ሚኒስትር ኣብ ኢትዮጵያ ዝነበሮም ፃንሒት ኣመልኪቶም ኣብ ዝሃቡዎ መግለፂ÷ ምስ ዝተፈላለዩ ሚኒስትራት ዝገበሩዎ ዘተ ክልቲአን ሃገራት ብቴክኖሎጂ፣ ሕርሻን ጥዕና ብሓባር ንምስራሕ ዝሕግዝ ከምዝኾነ እውን ገሊፆም፡፡

እቶም ሚኒስትር ምስ ሚኒስትር መስኖን ቆላማ ከባቢን ኣብርሃም በላይ (ዶ/ር)፣ ምስ ሚኒስትር ኢኖቬሽንን ቴክኖሎጂን በለጠ ሞላ(ዶ/ር)፣ ሚኒስትር መዓድን ኢ/ር ሃብታሙ ተገኝ፣ ሚኒስትር ማይን ኢነርጂን ሃብታሙ ኢተፋ (ዶ/ር፣ ኢ/ር) ከምኡ እውን ካልኦት ሚኒስትር ዴኤታታት ኣብ ዝተፈላለዩ ጉዳያት ብሓባር ንምስራሕ ከምዝተስማዕምዑ ገሊፆም፡፡

እቲ ዘተ ሰብ ሃፍቲ እስራኤል ኣብ ኢትዮጵያ ኣብ ዝተፈላለዩ ዓውዲታት ኢንቨስት ንኽገብሩ በሪ ዝኸፍት ከምዝኾነ ተዛሪቦም፡፡

ብፀጋዬ ንጉስ