ኣብ ኣዲስ ኣበባ ዝተመዝገቡ ውፅኢታት ኣብ ቀፃሊ ብዙሓት ስራሕቲ ከምዝውገኑ ዘረጋግፁ ኢዮም – ከንቲባ ኣዳነች

ኣዲስ ኣበባ፣ 30 ጥሪ፣ 2017 (ኤፍ ኤም ሲ)ኣብ ዝሓለፉ 6 ኣዋርሕ ዝተመዝገቡ ውፅኢታት ኣብ ቀፃሊ ብዙሓት ስራሕቲ ከምዝውገኑ ዘረጋግፁ ከምዝኾኑ ከንቲባ ምምሕዳር ከተማ ኣዲስ ኣበባ ኣዳነች ኣቤቤ ገሊፀን።

እቲ ምምሕዳር ከተማ ገምጋም ኣፈፃፅማ ሽዱሽተ ኣዋርሕ ስራሕ ፓርቲን መንግስቲን በጀት ዓመት 2017 እናካየደ ይርከብ።

ከንቲባ ኣዳነች ኣቤቤ ኣብቲ እዋን÷ ኣብ ዝሓለፉ ሽዱሽተ ኣዋርሕ ብኹሉ ዓውዲ ዘዕግብ ኣፈፃፅማ ከምዝተመዝገቡ ተዛሪበን።

ሓፈሻዊ ብርኪ ኣፈፃፅማ ትልሚ 90 ሚኢታዊ ከምዝበፅሐ ዝገለፃ እተን ከንቲባ÷ ካብ ህዝቢ ብዝተኣከበ እቶት ንህዝቢ ተረባሒ ኣብ ምግባርን ዘላቒ ልምዓት ኣብ ምርግጋፅን ኣብነት ዝኾኑ ስራሕቲ ከምዝተሰርሐ ኣመልኪተን።

ኣዲስ ኣበባ ንነበርታ ምችውቲን ውቅብቲን ዝኾነት ከተማ ንምግባር ኣብ ዳግመ ህንፀትን ምስፍሕፋሕ መሰረተ ልምዓትን ዝተወገኑ ስራሕቲ ውፅኢታዊ ከምዝኾኑ እውን ተዛሪበን።

ዘላቒ ልምዓት እታ ከተማ ብዝተማለአ ኩነታት ንምርግጋፅ እናተሳለጡ ዝርከቡ ፃዕሪታት ዕዉታት ከምዝኾኑ ብምሕባር÷ ዘላቒ ሰላም እታ ከተማ ምሕላው ስለዝተኽኣለ ፍስት ቱሪዝም ከምዝወሰኸ ምግላፀን ግዜኢ ፀብፂቡ፡፡