Fana: At a Speed of Life!

ፊንላንድ ኣብ ዓውዲ ትምህርቲ ምስ ኢትዮጵያ ዘለዋ ምትሕብባር ከምዝቕፅል ኣረጋጊፃ

ኣዲስ ኣበባ፣ 18 ለካቲት፣ 2017 (ኤፍ ኤም ሲ)ፊንላንድ ኣብ ዓውዲ ትምህርቲ ምስ ኢትዮጵያ ዘለዋ ምትሕብባር ከምዝቕፅል ኣረጋጊፃ።

ሚኒስትር ትምህርቲ ብርሃኑ ነጋ (ፕ/ር) ምስ ኣምባሳደር ፊንላንድ ኣብ ኢትዮጵያ ሲኒካ ኣንቲላ ዘቲዮም።

ኣብቲ ዘተ፥ ፊንላንድ ትምህርቲ ንኩሎም ዜጋታት ብፅርየትን ፍትሓውነትን ተበፃሒ ንምግባር ዝኸደትሉ መገዲ ብሞዴልነት ከምዝውሰድ ገሊፆም።

ኣብ ኢትዮጵያ ፅርየትን ፍትሓዊነትን ትምህርቲ ንምርግጋፅ ኣብቲ ሪፎርም ቆላሕታ ተዋሂቡዎ ይስራሕ ከምዘሎ እውን ምግላፆም ኣብ ሚኒስቴር ትምህርቲ ዝረኸብናዮ ሓበሬታ የረድእ።

እተን ኣምባሳደር ሃገረን ብዓውዲ ትምህርቲ ምስ ኢትዮጵያ ብዙሓት ስራሕቲ ብምትሕብባር ትሰርሕ ከምዘላ ገሊፀን።

እዚ ድማ ኣጠናኺራ ከምእትቕፅል ኣረጋጊፀን።

ብፍላይ ኣብ ህንፀት ዓቕሚ መምህራን፣ ምህዞ ቴክኖሎጂን ካልኦት ዓውዲታት ትምህርቲን ብምትሕብባር ንምስራሕ ቁርፀኛ ከምዝኾነት ኣረዲአን።

 

You might also like

Leave A Reply

Your email address will not be published.