ሓይሊ ኤሌክትሪክ ኢትዮጵያ ኣብ ሰዓት ልዕሊ 13 ሺሕን 500ን ጊጋ ዋት ምፍልፋል ከምዝተኽኣለ ገሊፁ
ኣዲስ ኣበባ፣ 21 ለካቲት፣ 2017 (ኤፍ ኤም ሲ)ኣብ መንፈቕ በጀት ዓመት 2017 ዓ.ም 13 ሺሕን 504 ነጥቢ 2 ጊጋ ዋት ኣብ ሰዓት ምፍልፋል ከምዝተኽኣለ ሓይሊ ኤሌክትሪክ ኢትዮጵያ ኣፍሊጡ፡፡
መካየዲት ስራሕ ቢሮ ትልሚን ዘፈር ኦፕሬሽንን መፈልፈሊ ሓይሊ እቲ ትካል ጥሩወርቅ ሽፈራው÷ ኣብ መፈልፈሊ ሓይሊ ጣቢያታት ብርእሰ ዓቕሚ ብዝተሰርሑ ስራሕቲ ፅገና ኣፈፃፅማ ፍርያት ሓይሊ ንኸዓቢ ከምዝሓገዙ ገሊፀን፡፡
ኣብ ተከዘን ጢስ ኣባይን ክልተ መፈልፈሊ ሓይሊታት ብምኽንያት ምብልሻው ጠጠዉ ዝበሉ ተርባይናት ከምኡ እዉን ኣብ ጣቢያ መፈልፈሊ ሓይሊ ግልገል ጊቤ 2 ኣብ ጫፍ ኖዝል ፅገና ብምኽያድ እቶም ጣቢያታት ሓይሊ ምምሕያሽ ፍርያት ኸምዘኽአሉ ሓቢረን፡፡
እቶም ጣቢያታት ብርእሰ ሓይሊ ኣብ ዘካየድዎም ስራሕቲ ፅገና ኣፈፃፅማ ሓይሊፍርያት ብምድንፋዕ ኣብዚ መንፈቕ ዓመት 13 ሺሕን 504ን ነጥቢ 2 ጊጋ ዋት ኣብ ሰዓት ክፍልፍል ኣኽኢሉ ምባለን ካብቲ ትካል ዝረከብናዮ ሓበሬታ የመላኽት፡፡
እዚ ድማ ናይቲ ትልሚ 15 ነጥቢ 6 ሚኢታዊ ተወሳኺ ዘለዎ ምኳኑ÷ እተን መካየዲት ስራሕ ገሊፀን፡፡