ስራሕቲ ህንፀት ኣብያተ ትምህርቲ ኢፈ ቦሩ ተጠናኺሩ ክቕፅል እዩ – ክልል ኦሮሚያ

ኣዲስ ኣበባ፣ 1 መጋቢት፣ 2017 (ኤፍ ኤም ሲ)መንግስቲ ክልል ኦሮሚያ ኣብ ዝተፈላላያ ክልላት 2ይ ብርኪ ኣብያተ ትምህርቲ ኢፈ ቦሩ ብምህናፅ ምትእስሳር ህዝቢ ምስ ህዝቢ ንምጥንኻርን ሓበራዊነት ንምርግጋፅን እተሰርሐ ምዃኑ ቢሮ ትምህርቲ እቲ ክልል ኣፍሊጡ፡፡

ሓላፊ እቲ ቢሮ ቶላ በሪሶ (ዶ/ር) ንፋና ዲጂታል ከምዝገለፅዎ÷ እቲ ክልል ኣብ ዝተፈላለያ ክልላት 2ይ ብርኪ ኣብያተ ትምህርቲ ኢፈ ቦሩ ብምህናፅ ንግልጋሎት እናብቀዐ ይርከብ፡፡

እዙይ እዉን ሓበራዊ ተረባሕነት ንምርግጋፅን ሕዉነት ንምጥንኻርን ዝዓለመ ሓድነት ንምጥንኻር ዘኽእል ምዃኑ ገሊፆም፡፡

ትምህርቲ መሳርሒ ሓበራዊነት ምዃኑ ኣስተዉዒልና÷ ሓደ ክልል ዘለዎ ሃፍቲ ንኻልእ ናይ ምኽፋል ተግባር ሓበራዊ ተረባሕነት መሰረት ምዃኑ ኣረዲኦም፡፡

ብሓገዝ መንግስቲ ክልል ኦሮሚያ ኣብ ዝተፈላለያ ክልላት ዝተሃነፃ ኣብያተ ትምህርቲ ኢፈ ቦሩ÷ ተበፃሕነት ትምህርቲን ፅርየት ትምህርቲን ኣብ ምርግጋፅ ዕዙዝ ግደ ከምዘለዎ ኣልዒሎም፡፡

ብፀሃይ ጉሉማ