መናእሰይ ዲፕሎማሰኛታት ዓቕሚ ኢንቨስትመንት ኢትዮጵያ ንወፃኢ ዓለም ንኸፋልጡ ተሓቲቱ

ኣዲስ ኣበባ፣ 26 መጋቢት፣ 2017 (ኤፍ ኤም ሲ)መናእሰይ ዲፕሎማሰኛታት ኢትዮጵያ ቀዳመይቲ መብፅሒት ቀጥታ ኢንቨስትመንት ወፃኢ ንኽትከውን ዘለዋ ዓቕሚ ናይ ምፍላጥ ስራሕ ንኽሰርሑ ኮርፖሬሽን ልምዓት ፓርክታት ኢንዱስትሪ ሓቲቱ፡፡

እቲ ኮርፖሬሽን ምስ ሚኒስቴር ጉዳያት ወፃኢን ኢንስቲትዩት ጉዳያት ወፃኢን ብምትብበር ንመናእሰይ ዲፕሎማሰኛታት ኣብ ኢንቨስትመንትን ፍሉይ ዞባታት ኢኮኖሚን ስልጠና መዕበዪ ግንዛበ ሂቡ፡፡

ፈፃሚ ስራሕ ዘፈር ኢንቨስትመንት፣ ፕሮሞሽንን ማርኬቲንግን እቲ ኮርፖሬሽን ዘመን ጁነዲን÷ ኣማራፂታት ዓቕሚ ኢንቨስትመንት ኢትዮጵያ ምስ ፍሉያት ዞባ ኢኮኖሚ ኣተሓሒዞም መብርሂ ሂቦም።

በዚ ድማ ብመንግስቲ ዝተተግበረ ሃገር በቆል ሪፎርም ኢኮኖሚ፣ ኢትዮጵያ ኣብ ጥቓ ቀይሕ ባሕሪን ህንዲ ውቅያኖስን ዘለዋ ስትራቴጂካዊ ኣቀማምጣ ንኢንቨስትመንት ተመራፂት ከምዝገብራ ገሊፆም፡፡

ኣብ ሞንጎ ኢንቨስትመንትን ዲፕሎማሲን ዘሎ ርክብ ንምጥንኻር፣ ዕድላት ኢንቨስትመንት ኢትዮጵያ ዕዉት ንምግባርን ንዘላቒ ልምዓት ሃገርን ፃዕሪ ከምዝግበር ምግላፆም ሓበሬታ እቲ ኮርፖሬሽን ኣመልኪቱ።