ብዝሃ ዓውደታት ሪፎርም ፅህያይ ካብ ስርናይ ይፈልይ ኣሎ- ምክትል ቀዳማይ ሚኒስትር ተመስገን ጥሩነህ

ሃገራዊ ለውጢ ሻውዓይ ዓመት ዕውት ጉዕዞ እናኽበርና ኣብ ዘለናሉ እዋን “ልህቀት ብሰብ ተኮር ግልጋሎት” ብዝብል መሪሕ ሓሳብ ላዕለዎት ኣመራርሓታት መንግስቲ ፌዴራል ኣብ ተሞክሮ ጠመተ ዝገበረ ስልጠና ሎሚ ኣጀሚርና ክብሉ ተዛሪቦም፡፡፡

ኢትዮጵያውያን ንዘበናት ድልየቶም ዝኾነ ስሉጥ ግልጋሎት መንግስቲን ስርዓት ምምሕዳርን ንምህናፅን ከምኡውን ኣብ ፅኑዕ መሰረት ንምባር ዘኽእል ሪፎርም እናካየድና ንርከብ ኢሎም፡፡

እቲ ሪፎርም ንኣፍሪካ ተምሳሌት እትኾነሉ፣ዝማዕበለትን ጠንካራ ሃገር ንምህናፅ ከምኡውን ግልጋሎት ድልየት ህዝብና ንምዕጋብ ወሳኒ ግደ ኣለዎ ክብሉ ኣብ ማሕበራዊ ሚዲይኦም ገሊፆም፡፡

ታሪካዊ ምዕራፍ ንምዕዋት ዘመን ተሳጋሪ ጠንካራ ስርዓት ግልጋሎት መንግስቲ ንምዝርጋሕ ኩሎም ኣመራርሓታት መንግስቲን ሰራሕተኛታትን ትፅቢት ብዝግበረሎም መልኽዑ ምትጋህ የድሊ ኢሎም፡፡

እቲ ከይዲ ክሳብ ሕዚ ኣፈፃፅማ እቲ ሪፎርም ዝበፅሐሉ ብርኪ፣ዘጋጠሙ ፀገማትን ኣንፈታት መፍትሒን ዘተ ከምዝግበር ገሊፆም፡፡