ሃገራዊ ለውጢ ዝድግፍ ህዝባዊ ሰልፊ ኣብ ከተማ ሰመራ ይሳለጥ ኣሎ

ኣዲስ ኣበባ፣ 26 መጋቢት፣ 2017 (ኤፍ ኤም ሲ)ሃገራዊ ለውጢ ወግዓዊ ዝኾነሉ ሻውዓይ ዓመት ዝድግፍ ህዝባዊ ሰልፊ ኣብ ከተማ ሰመራ ይሳለጥ ኣሎ።

እቲ ህዝባዊ ሰልፊ፥ “ትማሊ፣ ሎሚን ፅባሕን ንኢትዮጵያ ልእልና” ብዝብል መሪሕ ሓሳብ ኢዩ ዝካየድ ዘሎ።

ኣብቲ ህዝባዊ ሰልፊ፥ በቢብርኩ ዝርከቡ ኣመራርሓ እቲ ክልል፣ ዓበይቲ ዓዲ፣ ኣቦታት ሃይማኖት፣ መናእሰይን ነበርቲ ከተማ ሰመራን ሎጊያን ተረኺቦም።

ኣብቲ ሰልፊ ናይ መጋቢት ፍረ፣ ናይ ሓባር ትማሊ ናይ ሓባር ሎሚ፣ ሓቢርና ጀሚርና ሓቢርና ክንበፅሕ ኢና ዝብሉን ካልኦትን መልእኽቲታት ይመሓላለፉ ምህላዎም ኣብ ኮሚኒኬሽን እቲ ክልል ዝረኸብናዮ ሓበሬታ የረድእ።