ሃገራዊ ለውጢ ጋህዲ ዝኾነሉ 7ይ ዓመት ኣመልኪቱ ኣብ ከተማታት ክልል ኦሮሚያ ሰልፊታት ድጋፍ ይካየዱ ኣለዉ

ኣዲስ ኣበባ፣ 24 መጋቢት፣ 2017 (ኤፍ ኤም ሲ)ኣብ ኢትዮጵያ 24 መጋቢት 2010 ዓ.ም ጋህዲ ዝኾነ ሃገራዊ ለውጢ 7ይ ዓመት ምኽንያት ብምግባር ኣብ ዝተፈላለያ ከተማታት ክልል ኦሮሚያ ሰልፊታት ድጋፍ ይካየዱ ኣለዉ።

‘ትማሊ፣ ሎሚን ፅባሕን ንልዕልና ኢትዮጵያ!’ ብዝብል መሪሕ ሓሳብ እናተኻየደ ኣብ ዝርከብ ልዑል ሰልፊ ድጋፍ፤ ኣቦታት ሃይማኖት፣ ኣባ ገዳታት፣ ሃደ ሲንቄታትን ዝተፈላለዩ ክፋላት ሕብረተሰብን ይሳተፉ ኣለዉ፡፡

እቶም ሰልፈኛታት ለውጢ ጋህዲ ካብ ዝኸውን ንደሓር ዝተመዝገቡ ኢኮኖሚያዊ፣ ማሕበራዊን ፖለቲካዊን ዓወታት ኣጠናኺሮም ንምቕፃል ድሉዋት ከምዝኾኑ ኣረጋጊፆም።

እቶም ተሳሳተፍቲ ኣብቲ ሰልፊ ካብ ሞንጎ ዘመሓላለፉዎም መልእኽቲታት÷ ህንፀት ሓበራዊ መንነት ንብሩህ ኢትዮጵያና፣ ኢትዮጵያዊ ክብሪታትና ንእወንታዊ ሰላምና፣ መጋቢት ፈላመይቲ መብሰሪት ዝቕፅል ሓርበኝነት፣ ሓቢርና ጀሚርና ሓቢርና ክንበፅሕ ኢና ዝብሉ ይርከቡዎም፡፡

ካብዚ ብተወሳኺ ሓበራዊ ሸቶና ተምሳሌት ኣፍሪካ፣ ፍረ መጋቢት ናይ ሓባር ትማሊ ናይ ሓባር ሎሚን ዝቕፅል ጅግንነትናን ንኢኮኖሚያዊ ሉኣላዊነትና ዝብሉ ጭርሖታት ተሳተፍቲ እቲ ሰልፊ ኣስሚዖም።