ኣዲስ ኣበባ፣ 24 መጋቢት፣ 2017 (ኤፍ ኤም ሲ)ኣብ ክልል ቤኒንሻንጉል ጉሙዝ ከተማ ኣሶሳ 24 መጋቢት 2010 ዓ.ም ዝተገበረ ሃገራዊ ለውጢ ስዒቡ ዝተረኸቡ ትሩፋታት ዝዝክር ሰልፊ ድጋፍ ይካየድ ኣሎ።
‘ትማሊ፣ ሎሚን ፅባሕን ንልዕልና ኢትዮጵያ!’ ብዝብል መሪሕ ሓሳብ እናተኻየደ ኣብ ዝርከብ ልዑል ሰልፊ ድጋፍ፤ ኣቦታት ሃይማኖት፣ ኣባ ገዳታት፣ ሃደ ሲንቄታትን ዝተፈላለዩ ክፋላት ሕብረተሰብን ይሳተፉ ኣለዉ፡፡
እቶም ሰልፈኛታት ለውጢ ጋህዲ ካብ ዝኸውን ንደሓር ዝተመዝገቡ ኢኮኖሚያዊ፣ ማሕበራዊን ፖለቲካዊን ዓወታት ኣጠናኺሮም ንምቕፃል ድሉዋት ከምዝኾኑ ኣረጋጊፆም።
ኣብቲ ሰልፊ መጋቢት 24 ፈላመይቲ መብሰሪት ዝቕፅል ሓርበኝነት፣ ኢትዮጵያዊ ክብሪታትና ንእወንታዊ ሰላምና፣ ዓወት 24 መጋቢት ብኢኮኖሚያዊ ሉኣላዊነት ክንደግሞ ኢና ዝብሉን ካልኦትን መልእኽቲታት ተመሓላሊፎም።
ኣብቲ ህዝባዊ ሰልፊ ድጋፍ ላዕለዎት ኣመራርሓ እቲ ክልል ሓዊሱ ነበርቲ ከተማ ኣሶሳን ወረዳታት ዞባ ኣሶሳን ተሳቲፎም።