ህንፀት ፋብሪካ ዘበናዊ ዱኽዒ ሓዱሽ ምዕራፍ ታሪክ ዘምፅእ ኢዩ- ግርማ ኣመንቴ (ዶ/ር)

ኣዲስ ኣበባ፣ 25 መጋቢት፣ 2017 (ኤፍ ኤም ሲ)ህንፀት ፋብሪካ ዘበናዊ ዱኽዒ ኢትዮጵያ ንዓውዲ ግብርና ሓዱሽ ምዕራፍ ታሪክ ዘምፅእ ኢዩ ክብሉ ሚኒስትር ግብርና ግርማ ኣመንቴ (ዶ/ር) ገሊፆም።

ኣብ ቀረባ እዋን ቀዳማይ ሚኒስትር ኣቢይ ኣሕመድ(ዶ/ር) ኣብ ባይቶ ወከልቲ ህዝቢ ኢትዮጵያ ገዚፍ ፋብሪካ ዘበናዊ ዱኽዒ ከምእትሃንፅ መግላፆም ዘዘኻኸሩ እቶም ሚኒስትር፥ እዚ ዓብዪ ኢኒሼቲቭ ሉእላውነት ምግቢ ንምርግጋፅ ዝግበር ፃዕሪ ዘቀላጥፍ ኢዩ ኢሎም።

ዘበናዊ ዱኽዒ ሓዊሱ እታዎታት ብናይ ባዕልኻ ዓቕሚ ኣፍሪኻ ምቕራብ ፍሪያት ብምስሳን ሃገራዊ ሸቶ ሉእላውነት ምግቢ ንምዕዋት ወሳኒ ከምዝኾነ ገሊፆም።

ሜካናይዜሽን ግብርና ንምስፋሕ ስጉምቲታት ፖሊሲ ከምዝተወሰዱ ብምሕባር፥ ማሽነሪታት ሕርሻ ካብ ቀረፅ ነፃ ናብ ውሽጢ ዓዲ ብምእታው ንሓረስቶት ተበፃሕቲ ምግባሮም እውን ተዛሪቦም።

ብመሰረት እዚ ኣብ እዋን ክራማት ካብ ዝተሓረሰ 20 ነጥቢ 5 ሚሊየን ሄክታር መሬት ውሽጢ 25 ሚኢታዊ ብትራክተር ምሕራሱ ምግላፆም ግዜኢ ፀብፂቡ።