ሓይሊ  ኣየር ኢትዮጵያ ህልውና ሃገር ብጅግንነቱ ምፅንዑ ገሊፁ

ኣዲስ ኣበባ፣ 26 መጋቢት፣ 2017 (ኤፍ ኤም ሲ)ሓይሊ  ኣየር ኢትዮጵያ ልኡኹ ብኣተኣማማኒ ምውፅኡን ህልውና ሃገር ብጅግንነቱ ምፅንዑን ኣፍሊጡ።

ዋና ኣዛዚ እቲ ሓይሊ ኣየር ሌተናል ጄነራል ይልማ መርዳሳ፥ ብሞያ ኣቪዬሽን ነቲ ትካል ንከገልግሉ ናብ ስልጠና ኣካዳሚ ሓይሊ ኣየር ዝተፀንበሩ ምልምል ኣባላት ሰራዊት ኣብ ላዕለዋይ መምርሒ ሓይሊ ኣየር ተቐቢሎም ኣዘራሪቦም።

ኣብቲ እዋን፥ ሓይሊ ኣየር ኢትዮጵያ ዝተነበረሉ ልኡኽ ብዘተኣማምን ኩነታት ብምውፃእ ህልውና ሃገር እውን ብጅግንነቱ ዘፅነዐ ትካል ከምዝኾነ እቶም ዋና ኣዛዚ ተዛሪቦም።

እቲ ትካል ኣብዚ ኹሉ ጉዕዞ ታሪክ ካብ ባዕልቶም ብዝበለፀ ሃገር ዘቐደሙን ንክብሪ ኢትዮጵያ ክብሉ ዝተዋደቑን ጀጋኑ ኣፍሪዩ ኢዩ ምባሎም ኣብ ማህበራዊ ሚዲያ ሰራዊት ምክልኻል ዝረኸብናዮ ሓበሬታ የረድእ።