መገዲ ኣየር ኢትዮጵያ ንግድን ኢንቨስትመንትን ኢትዮ-እስራኤል እናጠናኸረ ምዃኑ ተገሊፁ

ኢትዮጵያን እስራኤልን ካብ ጥንቲ ዘበነ ንግስቲ ሳባ ዝጀመረ ታሪኻዊ ምሕዝነት ከምዘለወን ኣዘኻኺሮም።

ኣብዚ ሕዚ እዋን ክልቲአን ሃገራት ዲፕሎማስያዊ ምሕዝነት ተጠናኺሩ ምቕፃሉ ገሊፆም፡፡

ኣብ ቀረባ እዋን ላዕለዎት ሓለፍቲ ስራሕ እስራኤል ናብ ኢትዮጵያ ብምምፃእ ርክብ ክልቲኤን ሃገራት ኣብ ዘጠናኽሩ ጉዳያት ከምዝዘተዩ ተሓቢሩ፡፡

ብሚኒስትር ጉዳያት ወፃኢ ጌዲዮን ጢሞቲዎስ(ዶ/ር) ዝተመርሐ ልኡኽ እውን ናብ እስራኤል ብምቕናዕ ምትሕብባረን ዘጠናኸር ዕዉት ፃንሒት ምክያዱ ሓቢሮም፡፡

ኣብ ዓውዲ ንግድን ኢንቨስትመንት ድማ ካብ 122 ዘይውሕዱ ኩባንያታት እስራኤል ኣብ ሕርሻ ኢትዮጵያ፣ ልምዓት ማይን ማዓድናትን፣ መቀነባበሪ ፍርያት ሕርሻን ከምኡ እውን ኢንዱስትሪ ጨርቃ መርቂ እናተሳተፉ ከምዝርከቡ ገሊፆም፡፡

ብተወሳኺ እስራኤል ካብ ኢትዮጵያ ቐንዲ ተቐባሊት ጣፍ፣ ቡንን ካልኦት ጥራጥረን ቅብኣትን እኽሊ ምዃና ተሓቢሩ፡፡

ኢትዮ-እስራኤል ኩለመዳያዊ ምትሕብባር ክልቲአን ሃገራት ዝነብሩ ቤተ-እስራኤላውያን ድልድል ኾይኖም እናገልገሉ ከምዝኾነ ምግላፆም ግዜኢ ፀብፂቡ፡፡