25 ጥሪ 2017 ዓ.ም
“ካብ ቃል ክሳብ ባህሊ” ብዝብል መሪሕ ሓሳብ ካብ 23 ክሳብ 25 ጥሪ 2017 ዓ.ም ንሰለስተ ተኸታተልቲ መዓልታት ክካየድ ዝቐነየ መበል ካልኣይ ስሩዕ ጉባኤ ፓርቲ ብልፅግና፥ ኣሰር ብልፅግና ደሚቑ ዝተርኣየሉ፣ ካብ ትጣየሽ ድሕሪ 150 ዓመት ዳግም ትስራሕን ትዕምብብን ዘላ፣ ናይ ፓርቲና ፍልፍል ሓይሊ ሓሳብ ብጭቡጥ ተግባር ኣብ ዝተገለፀላ፣ ብዝነኣድ ፃዕሪ መራሕቲ ዘበናዊ ካባ ዝለበሰት ኣዲስ ኣበባ፣ ናይ ነበርታ ምትሕብባር ከምኡውን ብዝሁነት ገይፂ ገይሩ ዘርእይ፣ ናይ መልላእ ኣፍሪካዊያንን ቀንዲል ነፃነት ፀለምቲ ህዝብታት ዓለምን ኣብ ዝኾነ ኣዳራሽ ዝኽሪ ዓወት ዓድዋ እንትዝቲ ዝፀንሐ ጉባኤና ብዓወት ምዝዛሙ አንትንገልፅ ሓጎስን ኩርዓትን ይስመዐና ኢሉ።
እቲ ጉባኤ፥ ኣብ ኢትዮጵያ ርኡዕ ምዕባለ ንምርግጋፅ ዘኽእል ናይ ሓሳብን ተግባርን ሓድነት ጎሊሁ ዝተርኣየሉ ከምዝኾነ እውን ኣብ ዝሃቦ መግለፂ ኣብሪሁ።
ትካላት ዴሞክራሲ፣ ፍትሕን ኣኽበርቲ ሕጊን ነፃነትን ገለልተኝነትን ኣብ ዝተረጋገፀሉ፣ ኣጠቓቕማ ሃፍቲ ሃገር ብምምሕያሽን ፍሪያት ብልዑል ብርኪ ክብ ብምባል ኢኮኖሚ ኢትዮጵያ ልዕሊ 7 ሚኢታዊ ኣብ ዝኾነ ስሉጥ ምዕባለን ለውጠ0ን ዝተርኣየሉ ኢዩ ኢሉ።
ኣንፈታት ሰብ ተኮር ህንፀት ማሕበራዊ ካፒታል ሰፊሕ ናይ ምገባ፣ ህንፀት ሕድሳት መንበሪ ኣባይቲን ወዘተን ስራሕቲ ዝተሰርሐሉን ናይ ማሕበረሰብ ምድግጋፍ ባህሊ ናብ ምዃን ይሰጋገረሉ ኣብ ዘሎ እዋን፣ ካብ ምኩሻም ዲፕሎማሲ ብምልቓቕ ኩለ መዳያዊ ብሄራዊ ረብሓ ኢትዮጵያ ዘኽብር ዲፕሎማሲያዊ ዓውዲ ኣብ ዝተፈጠረሉ፣ ብኻሊእ መዳይ ድማ ኩለ መዳያዊ ዓወታት እናተደነቕና ቀፃሊ ሕልምና ኣብ ጫፍ ንምብፃሕን ኩለ መዳያዊ ብልፅግና ንምርግጋፅ ዘኽእሉ ልኡኻት ንምፍፃም ዘኽእል ዓቕሚ ኣብ ዝጎልበተሉን ቁርፀኝነት እናማዕበለ ኣብ ዝመፅአሉን እዋን ምዃን ኣዝዩ ታሪካዊን ፍሉይን ከምዝገብሮ ገሊፁ።
ኣብቲ ስሩዕ ጉባኤ ኣብ ኩሎም ከባቢታት እዛ ሃገር ዘለዉ መልላእ ኣመራርሓን ኣባላትን ዝተሳተፍሉ፣ ዓምዩቕ ዘተ ዝገበርሉን ናይ ሓሳብ ክርክር ዝገበርሉን ኢዩ እውን ኢሉ።
ስለዝኾነ ከይዲን ውፅኢትን እቲ ጉባኤ፥ ዴሞክራሲያዊነት ዘረጋግፁ፣ ኩሎም ኣወዳድባታትን ስራሕቲ ፖለቲካን ብዝሓሸ ፅርየትን ብቕዓትን ዝተፈፀምሉ ከምዝኾነ ኣብሪሁ እቲ መግለፂ ቅዋም።
ብፍላይ ኣብ ዝቕፅሉ ሰለስተ ዓማውቲ ነዚ ዘበን ዝተቐረፁ ልኡኻት ጥራሕ እንተይኮነስ ኣብ ውሱናት ከባቢታት እዛ ሃገር ዝተፈጠሩ ጎንፂታት ብዘስዓቦ ጉድኣት፣ ቀጣናዊ፣ ኣህጉራዊን ዓለም ለኻዊን ተለዋዋጢ ኩነታት ብዘሕደሩልና ኣሉታዊ ፅዕንቶ ምኽኒያት ዘምለጡና ዕድላት ብዘከሓሕስ መገዲ ኣብ ኩሎም ዓውዲታት ርኡይ ለውጢ ንምምፃእ ኣብ ዘኽእሉ ተግባራት ዝሓሸ ምርድዳእ ዝተፈጠረሉ ከምዝኾነ ሓቢሩ።
ስለዝኾነ ዝስዕብ በዓል 8 ነጥብታት መግለፂ ቅዋም ብምምፃእ እቲ ጉባኤ ምዝዛሙ ኣፍሊጡ።
- ኣብ ዝቕፅሉ ሰለስተ ዓማውቲ ናይ ኣመራርሓን ኣበናላትን ብቕዓትን ፅርየትን ብስልጠናን ተኸታታሊ ዘተታትን ክብ ብምባል ብኣተሓሳስባን ተግባርን ብልፅግና ዝኾኑ፣ ዝተውሃቦም ልኡኽ ብውፅኢት እናፈፀሙ ህይወት ህዝቢ ዝልውጡ፣ ኣብ ከባቢ ስራሕን መንበሪን ጠንካራ መግለፂ ዲሲፕሊንን እወንታዊ ስነ ምግባርን ዝኾኑ፣ ሕልሚ ኢትዮጵያ ዕላዊ ዝገብሩ ኣመራርሓን ኣባልትን ብምፍራይ፣ ብምብቃዕን ናይቲ ለውጢ ሞተር ንክኾኑ ብምግባርን ብዝለዓለ ውፅኢት ዝገልፅ ጠንካራ ፓርቲ ንምህናፅ ክንሰርሕ ኢና።
ጠንካራ ፓርቲ ንምህናፅ ኣባላትን ንምፅራይ ዘኽእል ውፅኢታዊ ናይ ምዘናን ግምገማን ስርዓት ንክዝርጋሕ፣ ብስእነት ስነ ምግባርን ሞራልን ተሓተቲ ዝኾኑ ኣመራርሓን ኣባላትን ናይ ምእራም ተግባር ንክፍፀም፣ ሓደሽቲ ኣባላት ናይ ምምልማል ስራሕ ብፅርየትን ብቕዓትን ንክፍፀም ከምእንገብር ነረጋግፅ።
ጠንካራ ፓርቲ ንምህናፅ ንክከኣል ነዚ ዘበን ምልማድ ዘኽእል ናይ ሓሳብን ታሪክን ውህደት ብምፍጣር፣ መዋቅራዊ ውህደት ብምርግጋፅ፣ ስኽነት ፖለቲካ ዕላዊ ብምግባርን ናይ ውፅኢት ዘላቕነት ብቁርፀኝነት ንምፍፃም ዳግም ቃል ንኣቱ!!!
- ዕውቱነት ህንፀት ትካላት ንዕዉትነት ህንፀት ሃገረ መንግስቲ ኣዝዩ ወሳኒ ምዃኑ ፓርቲ ብልፅግና ካብ ልቢ ይኣምን። ስለዚ ካብዚ ብምብጋስ ዝተጀመረ ሪፎርም ትካላት በቢዓውዱን ብርኩን ኣጠናኺርና ብምቕፃል ነፃ፣ ገለልተኛን፣ ብቕዓት ዘለወንን ትካላት በምብዛሕ ስራሕቲ ህንፀት ሃገረ መንግስቲ ኣብ ጠንካራ ሰረት ንምንባርን ጠንካራ ዶሞክራሲያዊ ባህሊ ንምፍጣርን በዕቱብ ክንሰርሕ ኢና።
ፓርቲና ዝመርሖ መንግስቲ ኣብ ዝሓለፉ ሰለስተ ዓመታት ዝተፈላለዩ ሃገራዊ ናይ ዴሞክራሲ ትካላትን ናይ ሃገር ድሕንነትን ሉእላዊነትን ዝሕልዉ ትካላትናን ዓቕሚ፣ ብቕዓትን ኣጠቓቕማ ቴክኖሎጂን ባህሊ ናብ ዝሓሸ ደረጃ ብምሽግጋር ናይ ሃገርና ሉእላዊነትን ግዝኣታዊ ሓድነትን ናይ ምሕላው ዝነኣድ ውፅኢትምምዝጋቡ ጉባኤና ብዓወት ርእይዎ። ስለዝኾነ ኩሉ ግዘ ትካላትና ኣተኣማማኒ ናይ ሃገር ዋልታ ኮይኖም ንክህነፁን ነፃነቶም ተሓሊዩ ንክቕፅሉን ብሙሉእ ልቢ ንድግፍ!!! ብተዛማዲ ናይ ህዝቢ ፍትሒ ናይ ምርካብ መሰል ብዝተማልአ መገዲ ንክረጋገፅ፣ ናይ ፍትሒ ስርዓት ናይ ምዝማን፣ ብቑዓት ሰብ ሞያ ናይ ምፍራይ፣ ስሉጥን ኣተኣማማኒን ኣገልግሎት ንክወሃብ ናይ ምኽኣል፣ ናይ ዳያኑ ነፃነትን ናይ ዳያኑ ተሓታትነትን ብሚዛን ናይ ምርግጋፅ ተግባራት ንክፍፀሙ ንምግባር ብቑርፀኝነት ክንቃለስ ኢና!!!
- ሕልምና ኢኮኖሚያዊ ሉእላውነት ዕላዊ ብምግባር ናይ ሃገርና ኩሉ መዳያዊ ብልፅግና ምርግጋፅ ኢዩ። ነዚ ንምርግጋፅ ኣብ እዋን ጉባኤ ይኹን ቅድሚ ጉባኤ ሕድሕድና ንኢትዮጵያ በልፅግና ብዝለዓለ ተበግሶን ቁርፀኝነተን ምስራሕ ከምዘለና ካብ ልቢ ተረዳዲእና ኣለና።
ስለዝኾነ ኣብ ዝቕፅሉ ሰለስተ ዓማውቲ ዝሓሸ ማዕቐፍ ኢኮኖሚ ብምህናፅ ልምዓት ግብርና፣ ኢንበዱስትሪ፣ ቱሪዝም፣ ማዕድንን ዲጂታል ኢኮኖሚን ተደሚሩ መዋቅራዊ ሽግግር ኢኮኖሚ ብምምፃእ ናይ ኢትዮጵያ ኩለ መዳያዊ ብልፅግና ንምርግጋፅ ኣብ ምምሃዝ፣ ምስላጥን ምምዕባልን ክንሰርሕ ኢና!!!
- ብልፅግና ኩለ መዳይ ድሕንነቱን ክብሩን ዝተሓለወ ማሕበረሰብ ንክህሉ ማሕበራዊ መስተጋብሩ እውን ንህንፀት ሃገረ መንግስቲ ኣስተዋፅኦ ንከበርከት ንምኽኣል ኩለ መዳያዊ በልፅግና ዘረጋግፅ ሓቛፊ ማሕበራዊ ልምዓት ዕላማ ብምሓዝ ብቑርፀኝነት ይሰርሕ ኣሎ። ነዚ ንምርግጋፅ ፅርየት ዘለዎ ትምህርቲ ንትውልዲ ኩለመዳይ ልህቀት ወሳኒ እታዎት ምዃኑ ንኣምን። ሕማም ኣቐዲምካ ምክልኻልን ሓኪምካ ምድሓንን ንህንፀት ጥዕና ዘለዎ ኣፍራዪ ትውልዲ ዘለዎ ረብሓ ብጥልቀት ንግንዘብ።
ስለዝኾነ እቶም ኣብ ዝሓለፉ ሰለስተ ዓማውቲ ዝተጀመሩ ኣዝዮም ዘተባብዑን እወንታዊ ውፅኢት ዝተመዝገበሎምን ስራሕቲ ማሕበራዊ ልምዓታት ተረባሕነት ምዕባለን ፍትሓዊነትን ሸቶታትና ብዘዐውትን ማሕበራዊ ብልፅግና ብዘረጋግፅን መገዲ ብልዑል ቁርፀኝነት ኣጠናኺርና ክንቅፅል ኢና!!!
- ህብረ ብሄራዊ ሓድነት ንክጠናኸርን ህንፀት ሃገረ መንግስቲ ንክዕወትን ነፃፀልቲ ያታታት ተሳዒሮም ዘዛምዱ ያታታት ለዕልነት ምርካብ ከምዘለዎ ንሕና በልፅግና ንኣምን። ስለዝኾነ ብሄራዊነት ገዛኢ ያታ ብምዃን ኣብ ልሂቃንን ህዝብን ንክሰርፅን ህብረ ብሄራዊ ሓድነትና ንክጠናኸርን ከንሰርሕ ኢና። ነዚ ብዝበለፀ ንምዕዋት ኣብ መንጎ ህዝቢ ምርድዳእ ዝፈጥሩ ዝተፈላለዩ ህዝባዊ ዘተታት ኣብ ኩሎም ከባቢታት ኢትዮጵያ ብኹሎም ኣማራፅታት ንክፍፀሙ ክንገብር ኢና።
ናይ ሚዲያ ነፃነትን ሓሳብ ብነፃ ናይ ምግላፅን መሰል ከምዘለዎ ኮይኑ፥ ኣፍራሲ ልኡኽ ብምሓዝ ሚዲያ ንጎንፂ፣ ዕግርግርን ገበንን ኣብ ዝጥቀሙ ኣካላት ሕጊ ናይ ምኽባር ስራሕ ንክስራሕ ብዕቱብ ክንሰርሕ ኢና። ኣመራርሓን ኣባላትን ብልፅግና መልላእ ህዝቢ ብምስታፍ፣ ማሕበራዊ ሚዲያ ንህንፀት ገዛኢ ያታ፣ ንህብረ ብሄራዊ ሓድነት፣ ሽግግር ፍልጠትን ናይ ኢትዮጵያ ሓቂ ንምግላፅን ከምእንጥቀመሉ ቃል ንኣቱ።
- በልፅግና ናይ ሃገርና ስቪል ሰርቪስ ክንዲ ዕድሚኡ ትካላዊ ልህቀት ምርግጋፅ ኣይከኣለን ኢሉ ይኣምን። ብምዃኑ ኣብዚ ሐዚ እዋን ናይ ጅምላ ሃገራዊ ሪፎርም ስቪል ሰርቪስ ኣይገብርን ዘሎ። በቢብርኩ እናተተግበረ ውፅኢታውነቱ ዝተረጋገፀ፣ ብዘበናዊ ቴክኖሎጂ ዓቕሚ መሪሕነት ዝተኣሳሰረ፣ ካብ ስርቂን ግዕዝይናን ኣሰራርሓ ዝተላቐቀ፣ ስቪል ሰርቪስ ምህናፅ ከምዝግባእ ፓርቲና ይኣምን። ውፅኢታዊ ዝኾነ ሪፎርም ንምክያድን ብፍላይ ፍልፍል ቅርታ ህዝቢ ዝኾነ ኣገልግሎት ወሃብቲ ዓውዲታት ብፍሉይ መፅናዕቲ ዓውዲታት መስተኻኸሊ ኣገልግሎት ንምግባርን ዕግበት ህዝቢ ክብ ንምባልን ፓርቲና ዝወሰዶ ጠንካራ ቅዋም ንምፍፃም ለይቲን ቀትሪን ንምስራሕ ቃል ንኣቱ።
- ጉባኤና ኣብ ዝሓለፉ ዓመታት ፓርቲና ብዝተኸተሎ ሃገራዊ ክብሪ ዘጎናፅፍን ሃገራዊ ሓድነት ዘጠናኽርን ዲፕሎማሲን ኣንፈታት ርክብ ወፃኢን ብሄራዊ ረብሓናን ከብሪናን ክብ ዘበሉ ስራሕቲ ከምዝተፈፀሙ ብዓወት ርኢና ኢና። ስለዝኾነ እቶም ዕዉታት ኣንፈታት ብብቕዓት ንክፍፀሙን ዘላቒ በሪ ባሕሪ ናይ ምርካብን ባህግና ሰላማዊን ዲፕሎማሲያዊን ምላሽ ንክረክብ ብሙሉእ ዓቕምና ኣብ ዝተረኸበ መድረኽ ዓለም ኩሉ ብሰለማዊ መገዲ ንምቅላስ ቆሪፅና ከምዝተልዓልና ነረጋግፅ!!!
- ፓርቲና ዘላቒን እወንታዊ ሰለምን ናይ ሃገርና ህልውና መሰረትን ኩለመዳያዊ በልፅግናን ፍሉይ ውሕስና ከምዝኾነ በዕምቆት ይግንዘብ። ስለዝኾነ ብልፅግና ፓርቲ ኣብቲ ጉባኤ፥ ዝተጀመረ ሓቛፊ ሃገራዊ ዘተ ብዕዉት መገዲ ተዛዚሙ ናይ ኢትዮጵያ ናይ ዘበናት ናይ ፖለቲካ ሲንክሳር ንክዕፆ፣ ኣብ ኣተሓሕዛ ኣፈላላይን ጎንፂን ዘላቒ ናይ መፍትሒ መገዲታት ንክቕየስን እንተተኻኢሉ እውን ብሓበራዊ ራእይና ንከረዳድአና እቲ ከይዲ ብሙሉእ ልቢ ንምድጋፍ ወሲንና!!! ንዝተጀመረ ፕሮግራም ሽግግር ፍትሒ ተግባራዊነትን ዓወትን ዝሕለወሉ ሓላፍነት ብብቕዓት ንምውፃእ ክንሰርሕ ኢና። እወንታዊ ዘላቒ ሰላምና የተኣጓጉሉ ምስ ዘለዉ ዕጡቓት ሓይሊታት ዝግበር ዘተን ድርድርን ተጠናኺሩ ንክቕፅል ጭቡጥ ኣንፈታት ኣቐሚጥና ኣለና።
ጎንፂ ንምውጋድን ምርግጋዕ ንምፍጣርን ኩሉ ኣመራርሓን ኣባልን ብትኹረት ክሰርሕ ከምዝግባእ ተስማዕሚዕና። ስለዝኾነ ንተግባራዊነት ውሳነታትን ኣንፈታትን ጉባኤና ነቒሕና ብምስራሕ ናይ ሃገርና ሰላም ንምርግጋፅን ህብረ ብሄራዊ ሓድነትና ኣጠናኺርና ንምቕፃልን ኩልና ብሓድነትን ፅንዓትን ክንስለፍ ኢና።