ኣዲስ ኣበባ፣ 25 ጥሪ፣ 2017 (ኤፍ ኤም ሲ)ብውፅኢት እቲ መረፃ ዝተነበረ እምነትን ሓላፍነትን ብሓዱሽ ቆራፅነት ንስራሕ ንኽንለዓዓል ዘበረታትዐና ኢዩ ክብሉ ፕሬዚዳንት ፓርቲ ብልፅግና ቀዳማይ ሚኒስትር ኣቢይ ኣሕመድ (ዶ/ር) ገሊፆም።
ፕሬዚዳንት እቲ ፓርቲ ኣብ ማሕበራዊ ሚዲያ ገፆም ኣብ ዘመሓላለፉዎ መልእኽቲ፥ “ሎሚ መዓልቲ ቴክኖሎጂ ብንጥቃም መረፃ ፓርቲ ብልፅግና ኣካይድና” ኢሎም።
እዚ ድማ ናብ ዲጂታል ዝግበር ኣካል ጉዕዞ ሃገራዊ ስግግር ከምዝኾነ ኣብሪሆም።
“ብውፅኢት እቲ መረፃ ኣባይን ምክትል ፕሬዝዳንታትን ዝተነበረ እምነትን ሓላፍነትን ብሓዱሽ ቆራፅነት ንስራሕ ንኽንለዓዓል ዘበረታትዐና ኢዩ” ክብሉ ኣብሪሆም።
ሳለሳይ መዓልቱ ኣብ ዝሓዘ ካልኣይ ስሩዕ ጉባኤ ፓርቲ ብልፅግና ኣቢይ ኣሕመድ (ዶ/ር) ልዑል ብዝኾነ ድምፂ ፕሬዚዳንት እቲ ፓርቲ ብምግባር ዝመረፀ እንትኸውን÷ ኣይተ ተመስገን ጥሩነህን ኣይተ ኣደም ፋራህን ድማ ምክትል ፕሬዚዳንታት እቲ ፓርቲ ብምግባር መሪፁዎም።