ኣዲስ ኣበባ፣ 19 ለካቲት፣ 2017 (ኤፍ ኤም ሲ)ኣብ ከተማ ዓድዋ ኣብ ዝርከባ 13 ቀዳማይ ብርኪ ኣብያተ ትምህርቲ ፕሮግራም ምገባ ተምሃሮ ብዕሊ ተጀሚሩ።
ብማሕበር ልምዓት ትግራይ ምስ ኤስ ኤን ቪ ብሪጅ ፕላስ ዝተብሃለ ትካል ኔዘርላንድ ብምትሕብባር ዕላዊ ዝተገበረ ፕሮጀክት ምግብና ፀባ ንህፃናት ሓደ ኣካል ከምዝኾነ ተገሊፁ።
ሓላፊ ቤት ፅሕፈት ትምህርቲ ከተማ ዓድዋ መምህር ገብረስላሴ ብርሃነ÷ እቲ ፕሮግራም ኣብ 13 ኣብያተ ትምህርቲ ንዝርከቡ ብድምር 3 ሺሕን 86 ተምሃሮ ካብ ኦ ክሳብ 1ይ ክፍሊ ዘካተተ ከምዝኾነ ሓቢሮም።
ኣብቲ ስነ ስርዓት ምጅማር ምገባ ተምሃሮ ተሪኺቦም መልእኽቲ ዘስምዑ ከንቲባ ከተማ ዓድዋ ኣይተ ተስፋይ ገብረወልድ ብግደኦም÷ ኣብ መኣዲ ትምህርቲ ንዝርከቡ ፅጉማት ተማሃሮ ትምህርቶም ከየቋሩፁ ስለ ዝሕግዝ ማሕበር ልምዓት ትግራይ ነዚ ፕሮግራም ምግብና ምጅማራ ምስጋና ምቕራቦም ፀብፃብ ሓበሬታ ርክብ ከተማ ዓድዋ የመላኽት፡፡