ኣዲስ ኣበባ፣ 30 ጥሪ፣ 2017 (ኤፍ ኤም ሲ)ኣብ ክልል ትግራይ ብዳግመ ልምዓት ተፋሰስ ዝሓወየ 229 ሺሕን ሄክታር መሬት ንዝተወደቡ ሓረስቶት ከምዝተሃቡ ቢሮ ሕርሻን ሃፍቲ ተፈጥሮን ገሊፁ።
መራሒ ጉጅለ ተፋሰስ ልምዓት እቲ ቢሮ ጠዓመ ገብረስላሴ ከምዝገለፁዎ÷ ኣብቲ ክልል ብሰብ ስራሕን ተፈጥሮን ምኽንያት ዝተጎድአ መሬት ብዝተዋደደ ስራሕቲ ዕቀባ ሓመድን ማይን መሊሶም ክሓውዩ ንምግባር እናተሰርሐ ይርከብ።
በዚ ድማ ቅድም ብዝተፈላለዩ ተፋሰሳት ኣብ ዝተወገኑ ስራሕቲ ዕቀባ ሓድን ማይን 229 ሺሕን ሄክታር መሬት ብማሕበር ንዝተወደቡ 198 ሺሕን ሓረስቶት ክወሃብ ከምዝተገበረ ገሊፆም።
ዝለምዑ ተፋሰሳት ካብ ሰብን እንስሳትን ንኽክእ ናፃ ብምግባር ንሓረስቶት ኢኮኖሚያዊ ረብሓ ንምውዓል እናተሰርሐ ከምዝኾነ ብምሕባር፤ ሓረስቶት ብቐዋሚነት ተረባሕቲ ክኾኑ ሕጋዊ መረጋገፂ በዓልዋናነት ካርታ ከወሃቦም ከምዝተበረ ምግላፆም ግዜኢ ፀብፂቡ፡፡