ኣብ ክልል ኦሮሚያ ኣብ ዝተፈላዩ ዓውዲታት እናተሰርሑ ዘለው ስራሕቲ ተስፋ ውሃብቲ እዮም- ለገሰ ቱሉ (ዶ/ር)

ኣዲስ ኣበባ፣ 25 መጋቢት፣ 2017 (ኤፍ ኤም ሲ)ኣብ ክልል ኦሮሚያ ኣብ ዓውድታ ማሕበራዊ ልምዓት፣ ፖለቲካ፣ ኢኮኖሚን ኢንቨስትመንትን ዝስርሑ ዘለው ስራሕቲ ተስፋ ውሃብቲ ምዃኖም ሚኒስትር ግልጋሎት ኮሚኒኬሽን መንግስቲ ለገሰ ቱሉ (ዶ/ር) ገሊፆም፡፡
ኣብ ክልል ኦሮሚያ ኣብ ዝሓለፉ 7 ዓመታት ጉዕዞ ለውጢ ዘርእይ ኢግዚብሽን ኣብ ኦሮሞ ባህል ማእኸል ተኸፊቱ።
ኣብቲ ኢግዚብሽን ዝተረኸቡ ሚኒስትር ግልጋሎት ኮሚኒኬሽን መንግስቲ ለገሰ ቱሉ (ዶ/ር)÷ ኣብ ክልል ኦሮሚያ ዝስርሑ ዘለው ስራሕቲ ልምዓት ጉዕዞ ብልፅግና ንምዕዋት ተስፋ ዝህቡ እዮም ኢሎም፡፡
ኣብቲ ክልል ኣብ ዓውድታት ማሕበራዊ ልምዓት ፣ፖለቲካ፣ ኢኮኖሚን ኢንቨስትመንትን ዝስርሑ ዘለው ስራሕቲ ዝበረታትዑ ምዃኖም ተዛሪቦም፡፡
ከምኡውን ሰላምን ምርግጋዕን ንክመፅእ ልዑል ፃዕሪ ክገብር ምፅንሑ ዝሓበሩ እቶም ሚኒስትር÷ ኣብ ልምዓት ሕርሻ ዓበይቲ ስራሕቲ ምስርሖም ገሊፆም፡፡
ኣፈ ጉባኤ ጨፌ ኦሮሚያ ሰዓዳ ኣብዱራሕማን ብወገነን÷ ኣብ ዝሓለፉ ናይ ለውጢ ዓመታት ህዝቢ እቲ ክልል ብኩለመዳያዊ መልክዑ ምልዋጥ ዘኽእሉ ስራሕቲ ተሰሪሖም ኢለን፡፡
እቲ ዝተኸፈተ ኢግዚብሽን ኣብቲ ክልል ኣብ ዝሓለፉ 7 ናይ ለውጢ ዓመታት ዝተረኸቡ ዓወታት ብግልፂ ዘርኣየ ምዃኑ ተገሊፁ፡፡
ሓላፊ ቢሮ ኮሙኒኬሽን ኦሮሚያ ኣይተ ሃይሉ ኣዱኛ ብግዲኦም÷መንግስቲ እቲ ክልል ኣብ ዝሓለፉ ሸውዓተ ዓመታት ንህዝቢ ምላሽ ዝሃቡ ስራሕቲታት ልምዓት ምስርሖም ገሊፆም፡፡

Comments (0)
Add Comment