ኣብ ፕሪሚየር ሊግ እንግሊዝ ሎሚ ምሸት ሊቨርፑል ምስ ኒውካስል ዩናይትድ ዘይደኦ ፀወታ ትፅቢት ይግበረሉ

ኣዲስ ኣበባ፣ 19 ለካቲት፣ 2017 (ኤፍ ኤም ሲ)ኣብ መበል 27 ሰሙን ፕሪሚየር ሊግ እንግሊዝ ኣብ ንሕንሕ ፅዋዕ ትፅቢት ዝግበረሎም ፀወታታት ሎሚ መዓልቲ ክካየዱ እዮም፡፡

መሪሕ እቲ ሊግ ሊቨርፑል ምሸት ሰዓት 5:15 ኣብ ቀፃሊ ዓመት ተሳትፎ ቻምፒየንስ ሊግ ንምርካብ ንእትነሓናሕ ኒውካስል ዩናይትድ ኣብ አንፊልድ ክተተኣናግድ ኢያ፡፡

ምሸት ሰዓት 4:30 ኣብ ካልኣይ ብርኪ ሰንጠረዥ ትርከብ ኣርሰናል ምስ ትርከብ ኖቲንግሃም ፎረስት ካብ ሜዳ ወፃኢ ዘካይደኦ ፀወታ ትፅቢት ዝግበር እዩ፡፡

ማንቼስተር ዩናይትድ ምስ ኢፕስዊች ታውን፣ ብሬንትፎርድ ምስ ኤቨርተን ብተመሳሳሊ ምሸት ሰዓት 4፡30 ክራኸባ እየን፡፡

ማንቼስተር ሲቲ ካብ ሜዳኣ ወፃኢ ንቶተንሃም ትገጥመሉ ፀወታ ካሊእ ልዑል ግምት ዝተውሃቦ መርሃ ግብሪ ኢዩ።

ትማሊ ኣብ ዝተካየደ መበል 27 ሰሙን መርሃ ግብሪ እቲ ሊግ፤ ቼልሲ ንሳውዛምፕተን 4ን 0 ብዝኾነ ሰፊሕ ውፅኢት ብምስዓር ኣብ ራብዓይ ደረጃ ተቀሚጣ ኣላ።

ብተመሳሳሊ ብራይተን ንቦርንማውዝ ከምኡውን ፉልሃም ንወልቭስ 2 ን 1፥ ክሪስታል ፓላስ ንኣስቶንቪላ 4 ን 1 ብዝኮነ ውፅኢት ክስዕራ ክኢለን፡፡