ኣይተ ኣረጋ ከበደን ጌዲዮን ጢሞቴዎስ (ዶ/ር)ን ኣብ ከተማ ባሕር ዳር ስራሕቲ ልምዓት ጎብኒዮም

ኣዲስ ኣበባ፣ 24 መጋቢት፣ 2017 (ኤፍ ኤም ሲ)ርእሰ ምምሕዳር ክልል ኣምሓራ ኣረጋ ከበደን ሚኒስትር ጉዳያት ወፃኢ ጌዲዮን ጢሞቴዎስ (ዶ/ር)ን ሓዊሱ ላዕለዎት ኣመራርሓ እቲ ክልልን ኣምባሳደራትን ኣብ ከተማ ባሕር ዳር ስራሕቲ ልምዓት ጎብኒዮም፡፡

ኣብ ዑደቶም ድማ፤ ኮሪደር ልምዓት ስዒቡ ኣብ ከባቢ ቃላይ ጣና ዝሰርሑ መስሕባት ቱሪስት ተመልኪቶም።

ካብዚ ብተወሳኺ ስራሕቲ ህንፀት ዓለም ለኸ ስታዲየም ባህርን ሕድሳት ህንፃ ላዕለዋይ ቤት ፍርዲ ክልል ኣምሓራን ከምዝተመልከቱ ሓበሬታ ቤት ፅሕፈት ርእሰ ምምሕዳር የመላኽት፡፡

ባህር ዳር ሰላማ ሓሊያ ኣብ ልምዓት ትርከብ ውቅብቲ ከተማ ከምዝኾነት እቶም በፃሕቲ ኣብቲ እዋን ዑደት ገሊፆም፡፡

ቀልቢ በፃሕቲ ውሽጢ ሃገርን ወፃኢን ትስሕብ፣ ከም ጣና ፎረም ዝበሉ ዓበይቲ ፍፃመታት እተተኣናግድ ከተማ ከምዝኾነት እውን ተዛሪቦም።