ኣዲስ ኣበባ፣ 25 ጥሪ፣ 2017 (ኤፍ ኤም ሲ)ካልኣይ ስሩዕ ጉባኤ ፓርቲ ብልፅግና ተዛዚሙ፡፡
በዓል ሸሞንተ ነጥቢ መግለፂ ቅዋም ብምውፃእ ኢዩ እቲ ጉባኤ ተዛዚሙ ዘሎ፡፡
እቲ ጉባኤ ኣቢይ ኣሕመድ (ዶ/ር) ብፕሬዚዳንትነት ከምኡ እውን ኣይተ ተመስገን ጥሩነህን ኣይተ ኣደም ፋራህን ብምክትል ፕሬዚዳንትነት ንኸገልግሉ ዳግም መሪፁ፡፡
ህዝቢ ዘሳተፉ ኩለመዳይ ስራሕቲ ልምዓት ተጠናሮም ከምዝቕፅሉ እውን እቲ ፓርቲ ኣረጋጊፁ፡፡
እቲ ፓርቲ ናፅነት ሚዲያ ንኽሕሎ ከምዝሰርሕ ከምኡ እውን መፍረሲ ልኡኽቶ ዝተሓንገጡ ኣካላት ብዕቱብ ከምዝቃለስ ምዝዛም እቲ ጉባኤ ስዒቡ ኣብ ዝቐረበ መግለፂ ቅዋም ኣገንዚቡ፡፡
ረብሓ ኢትዮጵያ ንንምኽባር ዝተጀመሩ ተግባራት ተጠናኺሮም ከምዝቕፅሉ እውን ኣመልኪቱ፡፡
ኩሉ ግዘ ንሰላም ቅድሚት ብመሃብ፤ ጎንፂ ንምትራፍ ኩሉ ኣመራርሓን ኣባላትን ፓርቲ ብልፅግና ብትግሃት ንኽሰርሑ ኣንፈት ከምዝተቐመጠ ኣብቲ መግለፂ ቅዋም ተሓቢሩ፡፡
“ኣብ ዝቕፅል ጉባኤ እንትንራኸብ ልዕሊ ዝተውሃበና ብምስራሕን ትፅቢት ካብ ዝግበረና ንላዕሊ ብምፍፃምን ንኢትዮጵያ ብዝበለፀ ናብ ኩለመዳያዊ ብልፅግና ብምስግጋር ከምዝኸውን ነኣምን” ኢሉ እቲ ፓርቲ፡፡