ኣዲስ ኣበባ፣ 25 ጥሪ፣ 2017 (ኤፍ ኤም ሲ)ኣብ ክልል ትግራይ ካብ መኣዲ ትምህርቲ ሪሒቐም ዝፀንሑ ልዕሊ 64 ሺሕን 650 ህፃናት ተምሃሮ ግልጋሎት ዝህብ ፕሮጀክት ዕላዊ ኮይኑ።
እቲ ፕሮጀክት ምስ ሓሙሽተ ፈፀምቲ ኣካላት ዝስራሕ ኾይኑ÷ ንልዕሊ 64 ሺሕን 650 ካብ መኣዲ ትምህርቲ ሪሒቖም ንዝፀንሑ ህፃናት ተምሃሮ ግልጋሎት ከምዝህብ ኢዩ፡፡
ማሕበር ልምዓት ትግራይ፣ ሴቭ ዘ ችልድረንን ካልኦት መዳርግቲ ኣካላት ብምትሕብባር ካብ ኢዱኬሽን ካኖት ወይት (ECW) ብዝተረኸበ ሓገዝ ኣብ ሰለስተ ዓመት ተግባራዊ ዝኾውን ፕሮጀክት ኢዩ ተባሂሉ፡፡
ኣብ ምምሕያሽ ስርዓት ትምህርቲን ፅሬት ትምህርቲን ዘድሀበን multi year Resilience Program-2 (MYRP-2) ዝተሰየመን ፕሮጀክት ከምዝኾነ እውን ተገሊፁ።
እቲ ፕሮጀክት÷ ላዕለዎት ኣመራርሓ ግዚያዊ ምምሕዳር ክልል ትግራይ፣ መዳርግቲ ኣካላት፣ ኣመራርሓ ማሕበር ልምዓት ትግራይ፣ ቢሮ ትምህርቲ ትግራይን ኻልኦት ዕድመ ዝተገበረሎም ኣካላት ኣብ ዝተረኸብሉ ሎሚ መዓልቲ ኣብ ከተማ መቐለ ዕላዊ ምብሳር ከምዝተሳለጠ ካብ ቤት ፅሕፈት ጉዳያት ኮሙዩኒኬሽን ግዚያዊ ምምሕዳር እቲ ክልል ዝረኸብናዮ ሓበሬታ የረድእ።