ኬቨን ዲብሮይነ ኣብ መወዳእታ እዚ ውድድር ዓመት ካብ ማንቼስተር ሲቲ ከምዝለቅቕ ኣረጋጊፁ

ኣዲስ ኣበባ፣ 26 መጋቢት፣ 2017 (ኤፍ ኤም ሲ)ቤልጂየማዊ ተፃዋታይ ክፍሊ ማእኸል ጋንታ ማንቼስተር ሲቲ ኬቨን ዲብሮይነ ድሕሪ ትሽዓተ ዓመት ፃሒት ኣብ መወዳእታ እዚ ውድድር ዓመት ካብታ ጋንታ ከምዝፈላለ ኣረጋጊፁ፡፡

እቲ ተፃዋታይ ምስ ማንቼስተር ሲቲ ዘለዎ ኩንትራት ኣብ መወዳእታ እዚ ውድድር ዓመት ስለዝዛዘም ብናፃ ዝውውር ካብታ ጋንታ ከምዝለቅቕ ቢቢሲ ፀብፂቡ፡፡

ኣብታ ጋንታ ኣብ ዝነበሮ ፃሒት ፅዋዓት ቻምፒየንስ ሊግ ኣውሮፓን ፕሪሚየር ሊግ እንግሊዝ ሓዊሱ ዝተፈላለዩ ፅዋዓት ከዕውት ዝኸኣለ ኬቨን ዲብሮይነ፤ ኣብ ማንቼስተር ሲቲ 412 ፀወታታት ተሰሊፉ 106 ሸቶታት ኣመዝጊቡ።

174 ንሸቶ ዝኾና ኩዕሾታት እውን ኣመዓራሪዩ ኣቐቢሉ፡፡

ኬቨን ዲብሮይነ÷ ምስ ማንቼስተር ሲቲ ኣብ መወዳእታ እዚ ውድድር ዓመት ከምዝፈላለ ኣብ ማሕበራዊ ሚዲያ ገፁ ዝገለፀ እንትኸውን ንደገፍቱ ኣመስጊኑ፡፡

ጋንታታት ስዑድ ዓረብ እቲ ተፃዋታይ ንምውሳድ ድሌት ከምዘለወን ዝፍለጥ እንትኸውን÷ መዕረፊኡ ኣብ ሊግ ስዑድ ዓረብ ክኸውን ከምዝኽእል ትፅቢት ይግበር፡፡

Comments (0)
Add Comment